Un Invitashon . . .

Dios Tin Kontròl Ainda Riba Asuntunan di Tera?

DESASTER natural, malesa mortal, outoridatnan korupto, atake terorista, guera i krímen. Kasi tur dia nos ta tende di e notisianan aki. Sea ku e kosnan aki a afektá bo personalmente òf nò, bo no por keda sin puntra bo mes ta na unda e mundu aki ta bayendo, i si un dia kos lo drecha.

Ku e meta di papia tokante e preokupashonnan ei, Testigunan di Yehova den mas ku 200 pais rònt mundu lo presentá un diskurso públiko oportuno titulá “Dios Tin Kontròl Ainda Riba Asuntunan di Tera?” Lo e konsiderá loke Dios ta bisa i primintí den Beibel, su Palabra infalibel, relashoná ku e preguntanan importante aki:

Dios ta interesá den loke ta sosodé riba tera?

Kiko e ta pensa di humanidat?

E tin bo bienestar na pechu?

Den mayoria área, e diskurso lo ser duná riba djadumingu, 30 di aprel 2006, na Salòn di Reino di Testigunan di Yehova. E Testigunan ku ta biba den bo bisindario gustosamente lo informá bo di e ora i adrès.

Nos ta invitá bo kordialmente pa asistí na e diskurso bíbliko edifikante aki ku lo kontestá e siguiente pregunta na un manera satisfaktorio: Dios Tin Kontròl Ainda Riba Asuntunan di Tera? Entrada lo ta grátis.