Kiko Beibel Ta Bisa?
Ta hende a bini ku religion?
ALGUN HENDE TA KERE ku ta hende a inventá religion, i otronan ta pensa ku religion ta un medio ku Dios ta usa pa hala hende serka dje. Kiko abo ta pensa?
LOKE BEIBEL TA BISA
Tin un “forma di adorashon [òf, religion] ku ta limpi i sin mancha for di e punto di bista di nos Dios i Tata.” (Santiago 1:27) Pues, e religion puru, òf berdadero, ta bini di Dios.
KIKO MAS NOS POR SIÑA FOR DI BEIBEL?
Pa un religion por agradá Dios, e mester ta basá riba e bèrdatnan di Beibel.—Huan 4:23, 24.
Religionnan ku ta basá riba ideanan humano no por konta ku e aprobashon di Dios.—Marko 7:7, 8.
Nos mester pertenesé na un religion?
KIKO LO BO KONTESTÁ?
Sí
Nò
Ta dependé
LOKE BEIBEL TA BISA
“Laga nos presta atenshon na otro pa nos por stimulá otro pa mustra amor i hasi bon obra, i no keda sin bai e reunionnan.” (Hebreonan 10:24, 25) Dios ke pa su sirbidónan bini huntu komo un grupo organisá.
KIKO MAS NOS POR SIÑA FOR DI BEIBEL?
Hende ku ta sirbi Dios huntu mester tin mesun kreensianan.—1 Korintionan 1:10, 11.
Miembronan di e religion ku Dios ta aprobá mester forma un hermandat mundial.—1 Pedro 2:17.
Otro Artíkulo Interesante
PREGUNTA KU BEIBEL TA KONTESTÁ
Kon Mi Por Haña Sa Kua Ta e Religion Berdadero?
Esaki ta e religion pa mi djis pasobra e ta hasi mi sinti bon?
E TOREN DI VIGILANSIA
Ta Eksistí un Religion Ku Ta Digno di Bo Konfiansa?
Religion a desapuntá bo? Si esei ta e kaso, kisas ta difísil pa bo konfia kualke religion. Kon un estudio di Beibel por yuda bo?
