Bon Konseho pa Hóbennan

Un biaha ku un Testigu di Yehova ku yama Bill tabata ofresé revista banda di un sala di korte na California, Merka, un kabayero a aserk’é i pidié pa wak tur e revistanan Spièrta! ku Bill tabatin huntu kuné. Bill ta konta: “Promé ku esei, algun publikadó den kongregashon a duna mi algun revista di fecha bieu, p’esei mi tabatin un selekshon grandi di diferente Spièrta! ku mi por a mustra e kabayero.

Rápidamente e kabayero a surti e revistanan i a traha un stapel di esnan ku e no a lesa ainda. Anto el a puntra si e por a keda ku e stapel i a introdusí su mes komo un empleado di korte. El a konta mi ku e ta enkargá ku duna konseho na hóbennan den problema. El a splika mi ku e ta buska Spièrta! pa asina e por saka kopia di e artíkulonan ‘Hóbennan Sa Puntra.’ Despues e ta fail e artíkulonan segun tópiko i ta tene nan na man pa duna e hóbennan ku e ta konsehá. E kabayero a bisa: ‘E tópikonan ku ta ser tratá ta problemanan típiko ku ta molestiá hóbennan awe.’ El a elogiá Testigunan di Yehova pasobra nan ta publiká informashon asina útil pa yuda hóbennan. El a agregá ku lo e buska mi den e simannan binidero pa haña kualkier Spièrta! nobo ku mi por dun’é.”

Mayoria di e informashon publiká den e seri “Hóbennan Sa Puntra” a sali den e buki Loke hovenan sa puntra—Contesta práctica. Bo por pidi un ehemplar di e buki aki di 320 página dor di yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Lo mi tin gana di haña e buki Loke hovenan sa puntra—Contesta práctica.

□ Por fabor, tuma kontakto ku mi pa un studio di Beibel grátis na kas.