Bo Yu Ta Safe?

Segun e Administracion Nacional Mericano di Siguridad di Tráfico Riba Caretera (NHTSA), accidente di auto ta e causa principal di morto entre mucha di 5 pa 14 aña. Segun NHTSA: “Mas cu 50% di mucha cu muri den accidente di auto no tabatin nada ta faha nan. Ademas, 4 di cada 5 mucha no ta bon mará.”

NHTSA ta ofrecé vários tip di siguridad i advertencia pa esnan cu ta core cu mucha den auto. Aunke leynan ta varia di pais pa pais i asta di estado pa estado, e indicacionnan aki por duna hopi mayor i hende cu ta cuida mucha cos pa pensa ariba. Por fabor, consultá bo leynan local i haci loke bo por pa cuida bo pasaheronan precioso!

TIPS DI SIGURIDAD

E lugá mas safe pa tur mucha ta riba e stul patras.

1 Mester pone baby den un stul di siguridad pa mucha cu cara patras riba e stul patras den auto.

2 Por pone un mucha di por lo ménos un aña i cu ta pisa por lo ménos 9 kilo den un stul cu cara padilanti.

3 Ora un mucha ta pisa mas o ménos 18 kilo, por usa e asina yamá ‘booster seat,’ un stul pa mucha pa usa den auto cu ta mara cu e faha di auto cu ta pasa over di barica i scouder.

4 Ora e mucha ta pisa rond di 36 kilo i ta midi rond di 1,40 meter, e por cuminsá usa un faha di siguridad di adulto.

ADVERTENCIA

Mucha no tin mag di sinta den e stul dilanti, sino te ora nan tin por lo ménos 13 aña. ‘Air bag’ pa pasahero cu ta sinta dilanti por causa lesionnan serio na mucha chikitu i baby.

Ora ta usa booster seat, e faha cu ta pasa over di barica so lo no percurá suficiente proteccion si e booster seat no tin un escudo.

No pensa cu un faha di scouder so lo protehá un mucha chikitu; den caso di un accidente, e faha por corta e garganta dje mucha, causando lesionnan serio i asta morto.

Sigui e instruccionnan cuidadosamente ora di instalá i usa stul pa mucha. Segun NHTSA, “asta e stul di mas ‘safe’ kisas lo no protehá bo yu si no us’é corectamente.”

[Plachi na página 31]

Instalacion corecto di un stul pa mucha ta incluí mara e ‘seat belt’ bon