E No Ta pa Tiener So

Den un carta dirigí na e oficina di administracion di Testigonan di Jehova na Polonia, Jolanta di 25 aña a splica cu ántes e tabata deprimí. E tin un desabilidad físico cu ta strob’é di cana, i den un periodo di seis luna tantu su mama como su wela a muri. Pero e ora ei el a cuminsá lesa e publicacion Loke hovenan sa puntra—Contesta práctica. El a skirbi:

“Mi a kere cu e publicacion aki tabata bon pa tiener pero no pa mi,” el a bisa. “Mi tabata completamente ekibocá! Dor di studia capítulo 12 te cu 16 dje buki, mi a haña contestanan cla riba mi preguntanan, manera: ‘Pakico mi ta bira asina deprimí i ta sinti soledad?’ ‘Pakico mi no ta gusta mi mes?’ i ‘Di con mi tin asina un tristesa despues cu mi famianan stimá a muri?’”

El a sigui bisa: “Dos punto na página 130 a atraé mi: ‘Sabiendo cu bo desconsuelo ta normal ta un yudansa grandi pa bo trata cuné. Pero, si bo ta sigui nenga e realidad, esei por prolongá e desconsuelo.’ Lesando e palabranan aki a fortalecé mi gara riba mi speransa di mira esnan cu a muri, i esei a duna mi bida un nificacion mas profundo.”

Si bo kier vence bo sintimentunan negativo i agregá mas nificacion na bo bida, nos ta kere cu bo tambe lo beneficiá dje buki Loke hovenan sa puntra—Contesta práctica. Pa pidi un ehemplar, yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi e buki Loke hovenan sa puntra—Contesta práctica.

□ Por fabor, tuma contacto cu mi pa un studio di Bijbel grátis na cas.