Yudansa Ora un Ser Kerí Muri

Algun aña pasá Testigonan di Jehova a publicá un foyeto cu a considerá e desafio di trata cu morto di un persona stimá. Recientemente, nos a ricibí un carta di un lector apreciativo di e República Federal di Yugoslavia, cu a skirbi: “Mi kier gradicí boso di fondo di mi curason pa e foyeto Ora un Persona Stimá Muri. Realmente e ta trata tur detaye relacioná cu pérdida di un ser kerí den morto.”

E escritor a splica: “Ora mi ruman homber a muri den un accidente di tráfico, e foyeto a duna mi ‘promé auxilio.’ E seccion ‘Algun Sugerencia Práctico,’ na página 18, tabata un berdadero consuelo pa mi. Sin embargo, despues di cuater luna mi a cuminsá sinti un dolor masha profundo huntu cu nostalgia. Mi tabata teme cu mi salú emocional tabata na peliger.

Mi a bolbe lesa e foyeto aki, i na página 9 den e cuadro ‘E Proceso di Sinti Tristesa,’ mi a nota cu e periodo den cua bo ta cuminsá stabilisá ta ser compañá pa tristesa huntu cu nostalgia. Mi a keda realmente consolá. Danki pa boso tierno misericordia, cu a keda manifestá mediante e foyeto aki.”

Kisas abo of un persona cu bo conocé, tambe lo haña consuelo dor di lesa e foyeto aki di 32 página. Bo por manda pidi un ehemplar dor di yena e cupon adhunto i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Ora un Persona Stimá Muri.

□ Por fabor, tuma contacto cu mi pa un studio di Bijbel grátis na cas.