Bijbel ta bisa cu no ta Dios a crea Diabel. El a crea un angel perfecto cu despues a bira Diabel. Bijbel ta bisa di Dios: “Su obra ta perfecto, pasobra tur su camindanan ta husto; un Dios di fieldad y sin inhusticia, husto y recto e ta.” (Deuteronomio 32:3-5, Beibel Santu) For di esaki nos por conclui cu Satanas e Diabel un tempo tabata perfecto y husto, es decir, un di Dios su yiunan celestial.

 Na Juan 8:44, Hesus ta bisa cu Diabel “no a keda firme den e berdad,” mustrando asina cu un tempo e tabata recto y sincero.

 Sin embargo, Jehova a duna tur su criaturanan inteligente, incluyendo e angel cu a bira Satanas, e libertad pa scoge entre bon y malo. Pesey, ora el a scoge pa desobedece Dios y convence e prome pareha humano pa haci mescos, el a bira Satanas, cu ta nifica “Resistido.”—Genesis 3:1-5; Revelacion 12:9.