Tur aña, miyones di hende cu ta biba den pobreza extremo ta muri pa motibo di desnutricion y maleza. Aunke e situacion economico di algun pais ta bon, toch un gran parti di humanidad ta biba den pobreza extremo. Y Bijbel ta mustra cu pobreza ta un problema pa hopi tempo caba.—Lesa Juan 12:8.

Con lo ta posibel pa caba cu pobreza? Wel, nos lo tin mester di un solo gobierno pa goberna henter mundo. E gobierno ey lo mester tin e poder pa percura pa tur hende haya loke ta necesario pa biba. Tambe e mester tin e poder pa caba cu guera, ya cu esaki ta un di e motibonan principal pakico tin pobreza. Dios a priminti nos un gobierno asina.—Lesa Daniel 2:44.

Dios a nombra su Yiu, Hesus, pa goberna humanidad. (Salmo 2:4-8) Hesus lo caba cu pobreza, inhusticia y violencia.—Lesa Salmo 72:8, 12-14.

Bijbel a predeci cu Hesus, kende ta e “Prins di Paz”, lo trece paz mundial y siguridad. E tempo ey, tur hende riba mundo lo tin nan propio cas, un trabou cu lo duna satisfaccion y cuminda na abundancia.—Lesa Isaias 9:6, 7; 65:21-23.