Pregunta Cu Bijbel Ta Contesta
Kico Hesus lo haci den futuro?
Na aña 33, Hesus a muri, a lanta for di morto y a subi na cielo. Hopi siglo despues, Hesus a haya autoridad pa reina como Rey. (Daniel 7:13, 14) Den futuro, Hesus lo tuma accion como Rey pa trece paz mundial y elimina pobreza.—Lesa Salmo 72:7, 8, 13.
Como Rey, Hesus lo elimina tur inhusticia cu tin riba Tera
Hesus lo haci cosnan maraviyoso como Gobernante di humanidad. Lo e uza e poder cu su Tata a dun’e pa laga hende bira perfecto atrobe. Nan lo por disfruta di bida riba Tera sin bira bieu y muri.—Lesa Juan 5:26-29; 1 Corintionan 15:25, 26.
Kico Hesus ta haciendo aworaki?
Actualmente Hesus ta dirigiendo e trabou di predica cu su berdadero siguidornan ta haci rond mundo. Nan ta bishita hende pa mustra nan loke Bijbel ta bisa tocante e Reino di Dios. Hesus a bisa cu lo e sigui sostene e trabou cu su discipelnan ta haci te ora e Reino di Dios pone un fin na gobernacion di hende.—Lesa Mateo 24:14; 28:19, 20.
Hesus ta siña hende, mediante e congregacion di cristian berdadero, pa nan por tin un mihor bida. Lo e sigui guia y yuda su siguidornan como grupo pa nan sobrevivi destruccion di e mundo malbado aki y drenta den e paradijs cu Dios a priminti.—Lesa 2 Pedro 3:7, 13; Revelacion 7:17.
You May Also Like
E TOREN DI VIGILANCIA
Oracion—Con E Por Yuda Bo?
Kico ta algun beneficio cu nos por haya si nos haci oracion regularmente?
PREGUNTA CU BIJBEL TA CONTESTA
Kico Mi Por Pidi Dios den Oracion?
Haya sa dicon Dios ta interesa hasta den bo preocupacionnan di mas chikito.
