E Buskeda pa Mas Cos

“Si nunca nos no ta keda satisfecho, nunca nos lo no tin suficiente.”—Un raport di Worldwatch Institute.

“KICO nos kier? Tur cos! Ki ora nos kier nan? Awor!” E lema aki tawata popular entre algun studiante universitario durante decada di 1960. Awe, kisas nos no ta tende precis e mesun palabranan aki, pero e idea basico si a keda. De echo, e buskeda pa mas cos ta aparentemente un caracteristica cu ta distingui nos era.

Un di e metanan mas importante den bida di hopi hende ta pa haya rikesa y cos material. Ex Presidente Mericano Jimmy Carter a yega di bisa: “No ta identifica hende mas pa loke nan ta haci, sino pa loke nan tin.” Pero, tin cos cu ta bal mas cu nos pocesionnan material? Si ta asina, kico nan ta, y ki beneficio nan lo duna nos?