Bo Mester Ta un Hende Trankil?

MAYORIA hende lo haya cu ta un compliment pa hende bisa cu nan ta trankil, un hende desprecupa, di caracter rustig y tolerante. Pero ser trankil tin un otro cara tambe. Bijbel ta bisa: “E actitud trankil di hende estupido lo ta nan destruccion.” (Proverbionan 1:32, NW) Kico esei kiermen?

Algun traduccion di Bijbel ta traduci e palabra Hebreo original cu expresionnan manera “negligencia” (Beibel Santu) y “indeferencia.” (Beibel na papiamentu koriente) Den e contexto aki, un actitud trankil ta ser conecta cu flohera y negligencia, y pesei tambe cu estupides y bobedad.

Den prome siglo, cristiannan den e congregacion di Laodicea tawata trankil, sin precupa cu nan problemanan spiritual. Contento cu nan mes, nan a broma cu nan ‘no tawatin mester di nada.’ Hesucristo a corigi nan y a manda nan rebiba nan celo cristian.—Revelacion 3:14-19.

E hendenan den tempo di Noe tambe a bira conoci pa nan actitud trankil y desprecupa. Nan cabes tawata den asuntonan di bida di tur dia, ‘come y bebe, casa y duna pa casa, y nan no a comprende te ora cu e dilubio a bin y a bai cu nan tur.’ Anto Hesus a agrega: “Asina e binida di e Yiu di hende lo ta.”—Mateo 24:37-39.

Profecianan di Bijbel cu a cumpli ta indica cu nos ta bibando durante “e binida di e Yiu di hende”, Hesucristo. Laga nos no bira negligente ni indeferente, esta, trankil, pero na un manera robes.—Lucas 21:29-36.