“Dios lo ... seca tur lagrima for di nan wowo, y lo no tin morto mas; ni tristeza ni sclamacion ni dolor lo no tin mas. E cosnan cu tabata pasa antes no t’ey mas.”—Revelacion 21:3, 4, Tradukshon di Mundu Nobo.

Trabou agradabel y cu ta duna satisfaccion.—Isaias 65:21-23.

Lo no tin ningun tipo di maleza ni sufrimento mas.—Isaias 25:8; 33:24.

Nos lo biba pa semper den felicidad hunto cu nos famia y amigonan.—Salmo 37:11, 29.

Si, tin por lo menos dos motibo:

• Dios tin poder pa cumpli cu su promesa. Ta Jehova Dios so Bijbel ta yama “e Todopoderoso”, pasobra e tin poder sin limite. (Revelacion 15:3) Pues, e tin tur poder pa cumpli cu su promesa pa cambia mundo den un mihor luga di biba. Manera Bijbel ta bisa: “Pa Dios tur cos ta posibel.”—Mateo 19:26.

• Dios tin e deseo pa cumpli cu su promesa. Por ehempel, Jehova ta “anhela” di lanta hende for di morto.—Job 14:14, 15, Beibel Santu.

  Bijbel ta bisa tambe cu e Yiu di Dios, Hesus, a cura hende enfermo. Pakico el a cura hende? Pasobra e tabata kier a haci esey. (Marco 1:40, 41) Mescos cu su Tata, Hesus tin e deseo di yuda hende den necesidad.—Juan 14:9.

  Pesey, nos por tin sigur cu tanto Jehova como Hesus kier yuda nos pa nos por tin un futuro feliz.—Salmo 72:12-14; 145:16; 2 Pedro 3:9.