“Aliwan lapud kinmepa lay ikakalat na COVID-19 ed interon mundo et isipen tayo la ya agla naapektoan na satan so bunigas o kalusugan tayo. . . . Ilaloan tayo ya wala lamet so nagawan pandemic kanian dapat et akaparaan tayo.”​—Dr. Tedros Adhanom Ghebreyesus, director-general na World Health Organization, Mayo 22, 2023.

 Anggad natan, nalilikna nin siansia na dakel ya totoo so epekto na COVID-19 pandemic ed mental health tan laman da. No naulit lamet so pandemic, akaparaan kasi so gobierno, saray ahensia, tan institusyon ya mangaasikaso ed kalusugan na totoo? Tan sarag da kasin solusyonan iray problema tayod kalusugan natan?

 Ibabaga na Biblia ya walay sakey a gobierno ya seguradoen ton naasikaso so kondisyon na laman tayo. Oniay nabasa ed Daniel 2:44: “Say Dios na tawen et mangiletneg na panarian,” odino gobierno. Diad uley na satan ya gobierno, “anggapoy manaayam . . . a mangibagay: ‘Mansasakit ak.’” (Isaias 33:24) Amin ya totoo et magmaliw lan healthy tan ompawil so kasil da ya singa nen kabataan ira.​—Job 33:25.