Ebat ed Saray Tepet ed Biblia
Panon ya naaralan na ananak ya aroen so Dios?
Usaren iray pinalsa pian nakabat tan naaro na anak mo so Dios
Naaralan labat na ananak mo ya aroen so Dios no kombinsido iran walan talagay Dios tan inaro to ra. Kaukolan dan nakabat so Dios pian naaro da. (1 Juan 4:8) Singa bilang, nepeg dan naamtaan: Akin ya pinalsa na Dios so too? Akin ya aabuloyan na Dios so paniirap? Antoy gawaen na Dios parad saray totoo diad arapen?
Pian natulongan moy ananak mo ya aroen so Dios, ipanengneng mon sikan mismo et inarom so Dios. No nanengneng da itan ed sika, aligen da ka.
Panon mon nasabi so puso na anak mo?
Say Salita na Dios et mabiskeg. (Hebreos 4:12) Kanian ibangat ed anak mo iray manunan bangat na Biblia. Pian nasabi puso na totoo, si Jesus et angusar na saray tepet, insan dinmengel, tan impaliwawa toy Kasulatan. Ontan met, pian nasabi puso na anak mo, alig moy paraan na panagbangat nen Jesus.
Saray istorya ed Biblia no panon so impideneng na Dios ed saray totoo et makatulong met pian nakabat tan naaro na ugugaw so Dios. Wala ray nausar ya publikasyon ya available ed www.isa4310.com/pag.
Ompan Nagustoan Mo Met
UGUGAW
Magmaliw ya Kaaro nen Jehova
Sarayan video, kansion, tan activity ya nayarin i-print et ontulong ed ugugaw ya aralen iray importantin leksion no panon a napaliket so Dios.
LIBRO TAN BROSYUR
