Basaen so Genesis 25:29-34. Amtaen no siopa ed si Esau tan Jacob so dugay desisyon to.

Basaen iray bersikulo antis tan kayari to ’tan. Antoy agawa antis na satan? (Gen. 25:20-28) Antoy agawa kayari to?​—Gen. 27:1-46.

Aralen iray detalye. Diad saman ya panaon, anto ray kanepegan tan obligasyon na panguloan ya anak ya laki?​—Gen. 18:18, 19; nwt p. 1964 (“Panguloan”); w10-TG 5/1 13.

• No say sakey et panguloan ya anak ya laki, kasin automatic ya sikato so panlapuan na Mesias? (w17.12 14-15)

Isip mo no antoy naaralan mo tan iyaplikam itan. Akin et importantin maong ed si Jacob so kanepegan na panguloan? Pero akin et imbaliwala itan nen Esau? (Heb. 12:16, 17; w13 5/15 p. 28 par. 10-11; w03 10/15 28-29) Antoy alikna nen Jehova ed desisyon na sayan sanagi, tan akin et onmay alikna to? (Mal. 1:2, 3) Anto komoy ginawa nen Esau pian aliwan onman so desisyon to?

• Tepetan moy sarilim, ‘Kasin nanengneng ed saray desisyon ko tan ed panguusaran koy oras ko ya importantin maong ed siak so panagdayew kod si Jehova? Singa bilang, kasin seseguroen ko ya walay personal study’k tan family worship mi?’