Job 41:1-34
-
Deneskribe na Dios so makapadinayew a Leviatan (1-34)
41 “Naerel mo kasi so Leviatan*+ ed panamegley na banwitOdino napatulok mo kasi so dila to ed panamegley na lubir?
2 Makapangisurob ka kasi na lubir ed abot na eleng toOdino nadeyeng mo kasi na taga* iray panga to?
3 Kasin sikatoy onkerew ed sika na panangasi,Odino maamo kasin mitongtong ed sika?
4 Kasin sikatoy misipanan ed sika,Pian gawaen mon aripen mo ya anggad mabilay?
5 Migalaw ka kasid sikato a singa ed siwitOdino singeren mo kasi pian tengtengtengen na angkekelag ya anak mon bibii?
6 Misalatan kasi iray negosyante parad sikato?
Apag-apagen da kasi parad saray managlako?
7 Kasin napatalos mo ed katat to so dakdakel a panagduyok*+Odino ed ulo to iray pika na sira?
8 Itapew moy limam ed sikato;Et nanonotan mo so guerra tan agmo lan balot uliten itan!
9 Agka la maniilalo a sikatoy natalom.
Nanengneng mo labat et nataktakot* ka la.
10 Anggapoy makpel ya onsunggo ed sikato.
Kanian siopay makatalindeg ed siak?+
11 Siopay inmunan angiter ed siak a nepeg kon balesen?+
Antokaman a walad silong na tawen et kayarian ko.+
12 Agnayarin agak mansalita nipaakar ed saray bikking to,Nipaakar ed biskeg to tan ed balibalin inkagawa na kabalgan to.
13 Siopay angekal ed samay akabalkot ed sikato?
Siopa so onloob ed akalukas a panga to?
14 Siopay makapangilengat ed saray puerta na sangi* to?
Saray ngipen ton akapaliber et makapataktakot.
15 Say beneg to et adasig na saray siksik*A malmalet so inkipeket da.
16 Maap-apit so impansasaip daKanian agmakaloob so dagem ed nanleleetan da.
17 Amin da et nampepeketan;Ag-ira manaaknitan tan ag-ira napansisian.
18 No sikatoy ompupunges et ompapaway so liwawa,Tan saray mata to et singa sinag na palbangon.
19 Ompapaway so kirmat ed sangi to;Wala ray ontatalsik ya apoy.
20 Onaasewek iray abot na eleng to,A singa hurnoan a padadalangen ed panamegley na dikarika.
21 Say ingas to et mamaparangat ed saray ngalab,Tan walay ompupugson apoy manlapud sangi to.
22 Mabisbiskeg so tenger to,Tan onkukuyat ed takot iray walad arapan to.
23 Say katat ed eges to et malmalet;Singa iratan impalkap a metal ya agnaukuap.
24 Say puso to et anaw-awet a singa bato,On, anaw-awet a singa baton gilingan.*
25 Sano sikatoy nababangon, anggan saray makapanyari et natataktakot;Sano ombabalikwas et natataranta ira.
26 Sikatoy agbalot natalo ed espada;Tan gayang, duyok, odino pana.+
27 Say balatyang et ipapasen ton singa osang,Say gansa et singa lupok a kiew.
28 Sikatoy agnapabatik na pana;Saray balay palsot et magmamaliw a singa dayami no onkekenad sikato.
29 Say pekpek et ipapasen ton singa dayami,Tan eelek-elekan toy kalampag na jabelin.
30 Saray walad leksab a kabiangan to et singa ra makdem a langa;Sikatoy ondadalan ed pitek a singa panag-ilik.+
31 Say kaaralman et gagawaen ton singa manlelwag a danum ed banga;Pabuburaen toy dayat* a singa puyok ed banga.
32 Sikatoy mangititilak na basbas a mankirlap diad dadalanen to.
Say pakanengneng na sakey et ubanan so kaaralman.
33 Anggapoy kapara to diad dalin,Sikatoy pinalsa ya anggapoy takot.
34 Mapaspasnok ya akanengneng ed amin a mapaatagey.
Sikatoy ari ed amin a masesebeg ya atap ya ayep.”
Paimanod leksab
^ Nayarin buwaya.
^ Literal, “sabit.”
^ Saya et kaparparay pika, a nayarin walay ngipen ton singa taga.
^ Odino “nabaktar.”
^ Literal, “lupa.”
^ Odino posiblin, “Say ipapangaya to et saray adasig a siksik to.”
^ Literal, “walad leksab a bato na gilingan.”
^ Say Hebreon salita ya impatalos a “dayat” et nayarin manutukoy met ed maawang ya ilog.
