Unona ed Saray Taga Corinto 5:1-13
5 Diad tua et walay nadngelan kon manggagaway seksual ya imoralidad*+ ed sikayo, tan satan ya imoralidad* et ag-anggan nagagawa ed saray nasyon—a walay sakey a laki ya iyaamong toy asawa nen ama to.+
2 Tan kasin ipapasirayew yo itan? Agta nepeg komon a manermen kayo,+ pian samay laki a nanggawad saya et kaukolan a naekal ed limog yo?+
3 Anggano anggapo ak ditan ed laman, wadtan ak ed espiritu, tan inukom ko la itan a laki a nanggawad saya, a singano kaiba yo ak.
4 Sano mantitipon kayo diad ngaran na Katawan tayon Jesus, tan lapud amta yon kaiba yo ak ed espiritu pati say pakapanyari na Katawan tayon Jesus,
5 nepeg yon iyawat itan a laki ed si Satanas+ parad kadederal na laman, pian say espiritu et niliktar diad agew na Katawan.+
6 Aliwan maabig so pampapasirayew yo. Agyo ta amta a say daiset a lebadura et palebagen toy interon masa?+
7 Ekal yo so daan a lebadura, pian magmaliw kayon balon masa, lapud nepeg ya andian kayo na pampalebag.* Ta si Kristo a kordero parad Paskua tayo+ et nibagat la.+
8 Kanian sirin, itultuloy tayon ngilinan so piesta+ diad panamegley na saray andi-lebadura a tinapay na inkasimoon tan katuaan, aliwan diad panamegley na daan a lebadura, odino diad panamegley na lebadura na kaugsan tan karelmengan.
9 Diad sulat ko et imbagak ed sikayo a tundaan yo lay miulop* ed saray totoon manggagaway seksual ya imoralidad,*
10 balet agto labay ya ibagan agkayo lan balot miulop ed saray totoon manggagaway seksual ya imoralidad* ed sayan mundo+ odino saray maagum a totoo odino saray managkatkat odino saray mandadayew ed idolo. Ta no ontan, kaukolan ya ompaway kayo ed mundo.+
11 Balet natan et sinulatan ta kayo pian tundaan yo lay miulop*+ ed siopaman a tatawagen ya agi a manggagaway seksual ya imoralidad* odino maagum a too+ odino mandadayew ed idolo odino makaderal so panagsalita to* odino buanges+ odino managkatkat,+ tan agkayo anggan midudungo ed ontan a too.
12 Ta antoy pibabalik ed pangukom ed saray walad paway?* Agta sikayo so manguukom ed saray walad loob,
13 tan say Dios so manguukom ed saray walad paway?+ “Ekal yo ed limog yo so mauges a too.”+
Paimanod leksab
^ Literal, “andian kayo na lebadura.”
^ Odino “milimog.”
^ Odino “milimog.”
^ Odino “toon makapasakit so panagsalita to.”
^ Odino “saray agkabiangan na Kristianon kongregasyon.”
