Unonan Samuel 4:1-43
4 Saray anak a lalaki nen Juda et si Perez,+ Hezron,+ Carmi, Hur,+ tan Sobal.+
2 Si Reaias ya anak nen Sobal so ama nen Jahat; si Jahat so ama nen Ahumai tan Lahad. Saraya so pamilya na saray Zoratita.+
3 Niraya so anak a lalaki na ama na Etam:+ si Jezreel, Isma, tan Idbas (tan say ngaran na agi ran bii et Hazelelponi),
4 tan si Penuel so ama nen Gedor, tan si Ezer so ama nen Husa. Saraya so anak a lalaki nen Hur+ a panguloan ya anak nen Efrata tan ama na Betlehem.+
5 Si Asur+ ya ama na Tekoa+ et duaray asawa to, si Hela tan Naara.
6 Inyanak nen Naara si Ahuzam, Hefer, Temeni, tan Haahastari. Saraya so anak a lalaki nen Naara.
7 Tan saray anak a lalaki nen Hela et si Zeret, Izhar, tan Etnan.
8 Si Koz so ama nen Anub, Zobeba, tan saray pamilya nen Aharhel ya anak nen Harum.
9 Si Jabez et mas kagalgalang nen saray agagi to; tan sikatoy nginaranan nen ina to na Jabez,* a kuan to: “Pinasyay impanpasakit ko nen inyanak ko.”
10 Et tinmawag si Jabez ed Dios na Israel, a kuan to: “Komon ta bendisyonan mo ak tan paawangen moy teritoryak tan tulongan mo ak tan iliktar mo ak ed desyang, pian anggapoy mauges a nagawad siak!” Kanian ginawa na Dios so unong ed kerew to.
11 Si Kelub ya agi nen Suha so ama nen Mehir ya ama nen Eston.
12 Si Eston so ama nen Bet-rafa, Pasea, tan Tehina ya ama na Ir-naas. Saraya so lalaki ed Reca.
13 Tan saray anak a lalaki nen Kenaz et si Otniel+ tan Seraias, tan say anak a laki* nen Otniel et si Hatat.
14 Si Meonotai so ama nen Ofra. Si Seraias so ama nen Joab ya ama na Ge-harasim;* oniay impanawag lapud sikaray marunong a komikimey.
15 Saray anak a lalaki nen Caleb+ ya anak nen Jefune et si Iru, Elah, tan Naam; tan say anak a laki* nen Elah et si Kenaz.
16 Saray anak a lalaki nen Jehalelel et si Zif, Zifa, Tiria, tan Asarel.
17 Saray anak a lalaki nen Ezra et si Jeter, Mered, Efer, tan Jalon; sikatoy* nanlukon tan inyanak toy Miriam, Samai, tan Isba ya ama nen Estemoa.
18 (Tan say Judion asawa to et inyanak toy Jered ya ama nen Gedor, si Heber ya ama nen Soco, tan si Jekutiel ya ama na Zanoa.) Saraya so anak a lalaki nen Bitia ya anak a bii na Faraon ya inasawa nen Mered.
19 Saray anak a lalaki na asawa nen Hodias tan agin bii nen Naham et saray ama di Keila a Garmita tan Estemoa a Maacatita.
20 Tan saray anak a lalaki nen Shimon et si Amnon, Rina, Ben-hanan, tan Tilon. Tan saray anak a lalaki nen Isi et si Zohet tan Ben-zohet.
21 Saray ilalak nen Selah+ ya anak nen Juda et si Er ya ama nen Leca, si Laada ya ama nen Maresa, tan saray pamilya na saray managgawa na maabig a klase na tela diad sankaabungan nen Asbea,
22 tan si Jokim, saray lalaki ed Cozeba, si Joas, tan si Saraf, a nagmaliw a kaasawaan na bibiin Moabita, tan si Jasubi-lehem. Sarayan rekord et daan.*
23 Sikaray managdamili a nanayam ed Netaim tan Gedera. Nanayam ira ditan tan nantrabaho irad ari.
24 Saray anak a lalaki nen Simeon+ et si Nemuel, Jamin, Jarib, Zera, tan Shaul.+
25 Anak toy Salum, ya anak toy Mibsam, ya anak toy Misma.
26 Tan saray kailalakan nen Misma et si Hamuel ya anak to, si Zacur ya anak to, tan si Simei ya anak to.
27 Tan si Simei et 16 so ananak ton lalaki tan 6 so ananak ton bibii; balet saray agagi to et dagdaiset so ananak dan lalaki, tan diad pamilya na saraya et anggapoy singa ed karakel na lalaki ed Juda.+
28 Nanayam irad Beer-sheba,+ Molada,+ Hazar-sual,+
29 Bilha, Ezem,+ Tolad,
30 Betuel,+ Horma,+ Ziklag,+
31 Bet-marcabot, Hazar-susim,+ Bet-biri, tan Saaraim. Saraya so syudad da ya anggad uley nen David.
32 Saray panaayaman da et Etam, Ain, Rimon, Token, tan Asan,+ limaran syudad,
33 pati saray baryo ra a walad kaliberliber na sarayan syudad ya anggad Baal. Saraya so listaan na kapolian da tan saray pasen a nanayaman da.
34 Niraya so arum nin kailalakan nen Simeon: si Mesobab, si Jamlec, si Josa ya anak nen Amazias,
35 si Joel, si Jehu ya anak nen Josibias ya anak nen Seraias ya anak nen Asiel,
36 tan si Elioenai, Jaacoba, Jesohaias, Asaias, Adiel, Jesimiel, Benaias,
37 tan si Ziza ya anak nen Sifi ya anak nen Alon ya anak nen Jedaias ya anak nen Simri ya anak nen Semaias;
38 sarayan abitlay ngaran da et papangulo na saray pamilya ra, tan dinmakel so bilang na sankaabungan na inmuunan atateng da.
39 Tan linma rad lolooban na Gedor, ya anggad bukig na lawak, pian mananap na saray panagpastolan parad saray pulok da.
40 Ag-abayag et akalmo ray marika tan maabig iran panagpastolan, tan say dalin et maawa-awang, mareen, tan maligen. Saray datin manaayam ditan et saray Hamita.+
41 Sarayan nilistay kangaranan da et sinmabi legan na panaon nen Arin Hezekias+ na Juda, tan dinederal da ray tolda na saray Hamita tan saray Meunim a wadtan. Inggana da rad kadederal a singa napatnagan anggad sayan agew; tan sikaray sinmublay a nanayam ditan lapud wala ray panagpastolan parad saray pulok da.
42 Saray arum a Simeonita, a 500 a lalaki, et linmad Palandey Seir+ a kaibay Pelatias, Nearias, Refaias, tan Uziel, saray ananak nen Isi ya angidaulod sikara.
43 Tan pinapatey da ray akeran Amalekita+ ya akatakas, tan nanayam ira ditan anggad sayan agew.
Paimanod leksab
^ Say ngaran a Jabez et nayarin mikonektaan ed Hebreon salita a mankabaliksay “sakit.”
^ Literal, “ananak a lalaki.”
^ Kabaliksan toy “Lawak na Saray Marunong a Komikimey.”
^ Literal, “ananak a lalaki.”
^ Posiblin manutukoy ed si Bitia diad bersikulo 18.
^ Odino “Saray salita et nanlapud daan a tradisyon.”
