Ног хабӕрттӕм хъусгӕйӕ, ӕвӕццӕгӕн, бафиппайдтай, хатт ӕвзӕр хъуыддӕгтӕ дины номыл кӕй фӕаразынц. Фӕлӕ динтӕ се ’ппӕт ӕцӕг Хуыцауӕй не сты (Матфейы 7:15). Ӕмӕ ӕцӕгдӕр, адӕмӕн сӕ фылдӕр цӕуынц рӕдыд фӕндагыл, сӕхӕдӕг дӕр ӕй не ’мбарынц, афтӕмӕй. (Бакӕс 1 Иоанны 5:19.)

Фӕлӕ Хуыцау уыны, хорздзинад ӕмӕ рӕстдзинад чи уарзы, уыцы сыгъдӕгзӕрдӕ адӕмы (Иоанны 4:23). Ахӕм адӕмы Хуыцау хоны, цӕмӕй йӕ Ныхас Библийӕ рӕстдзинад базоной. (Бакӕс 1 Тимофеймӕ 2:3–5.)

Йегъовӕ Хуыцау, алыхуызон динтыл хӕст чи уыд, ахӕм адӕмы кӕрӕдзийыл бӕтты, рӕстдзинад сын кӕй ӕргом кӕны ӕмӕ сӕ кӕрӕдзи уарзын кӕй ахуыр кӕны, уый фӕрцы (Михей 4:2, 3). Уӕдӕ дин раст у ӕви нӕ, уый базонӕн ис, уыцы диныл хӕст адӕм кӕрӕдзийы уарзынц ӕви нӕ, уымӕй. (Бакӕс Иоанны 13:35.)

Раст диныл хӕст адӕм ӕууӕндынц Библийыл ӕмӕ сӕ цард аразынц йӕ уагӕвӕрдтӕм гӕсгӕ (2 Тимофеймӕ 3:16). Стӕй ма Хуыцауы ном дӕр кадджын кӕнынц (Псалом 83:18). Уымӕй уӕлдай ма адӕмӕн дзурынц, хорз цард сын Хуыцауы Паддзахад йеддӕмӕ кӕй ничи скӕндзӕн (Данел 2:44). Уыдонӕн дӕр Чырыстийау «сӕ рухс... кӕлы», ома, иннӕтӕн хорздзинад кӕй аразынц, уымӕй бӕрӕг дарынц (Матфейы 5:16). Ӕцӕг чырыстӕтты ма уымӕй ис базонӕн, адӕммӕ сӕ хӕдзӕрттӕм кӕй ӕрбацӕуынц, цӕмӕй-иу сын Хуыцауы Паддзахады тыххӕй хорз хабар радзурой. (Бакӕс Матфейы 24:14; Хъуыддӕгтӕ 5:42; 20:20.)