Псалом 17:1—15
Давиды куывд.
17 Раст цы у, уымӕ байхъус, о Йегъовӕ, фехъус мын мӕ дзыназын+.Мӕ куывдмӕ мын дӕ хъус ӕрдар, ме ’взагыл хиндзинад нӕй+.
2 Рӕстӕй мын стӕрхон кӕн+,Дӕ цӕстытӕ фенӕнт рӕстдзинад+.
3 Ды мын ныккастӕ мӕ зӕрдӕмӕ, ӕхсӕвыгон мӕ басгӕрстай+,Ссыгъдӕг мӕ кодтай. Ды фендзынӕ, мӕ зӕрдӕйы кӕй нӕ уыди ӕвзӕр фӕнд+.Ӕз ме ’взагӕй тӕригъӕд нӕ ракӕндзынӕн+.
4 Адӕмы хъуыддӕгты тыххӕй куы зӕгъон,Уӕд ӕз дӕ дзыхы ныхасы фӕрцы мӕхи хъахъхъӕдтон абырджыты фӕндӕгтӕй+.
5 Сфидар уӕнт мӕ къахдзӕфтӕ дӕ фӕндӕгтыл+,Уӕд мӕ къах нӕ фӕцуддзӕн+.
6 Дӕумӕ сидын, о Хуыцау, уымӕн ӕмӕ мын ды дзуапп ратдзынӕ+.Дӕ хъус мӕм ӕрдар. Фехъус мын мӕ ныхӕстӕ+.
7 Дӕ рахиз къухы+ ныхмӕ цӕуджытӕй чи лидзы, уыдон сӕхи де уазӕг кӕнынц.О сӕ Ирвӕзынгӕнӕг, равдис де ’нувыд уарзт+ де стыр хъуыддӕгтӕй.
8 Цӕстыгагуыйау+ мӕ хъахъхъӕн,Дӕ базырты аууоны мӕ бамбӕхс+,
9 Чи мӕм лӕбуры, уыцы фыдгӕнджытӕй.Мӕ уды знӕгтӕ мыл алырдыгӕй ӕртыхстысты+.
10 Уыдон фиуӕй цъар сӕвӕрдтой+,Сӕ дзыхӕй цӕуы схъӕл ныхас+.
11 Кӕдӕмфӕнды ма акъахдзӕф кӕнӕм, алырдыгӕй ныл ӕртыхсынц+,Сӕ цӕстытӕ нӕ ныссагътой, цӕмӕй нӕ бабын кӕной+.
12 Алчидӕр сӕ у, йӕ амӕттаджы акъабӕзтӕ кӕнынмӕ гӕппӕввонгӕй чи лӕууы, ахӕм домбайы хуызӕн+,Йе ’мбӕхсӕн бынаты чи ӕрхуыссыд, ахӕм ӕвзонг домбайы хуызӕн.
13 Сыст, о Йегъовӕ, ӕрлӕуу йӕ ныхмӕ+,Йӕ зонгуытыл ӕй ӕрлӕууын кӕн. Дӕ хъамайы+ фӕрцы мын мӕ уд фыдгӕнӕгӕй фервӕзын кӕн.
14 Дӕ къухы фӕрцы мӕ адӕмӕй фервӕзын кӕн, о Йегъовӕ+,Ацы дунейы адӕмӕй+, сӕ мӕт ацы цард кӕмӕн у+,Сӕ хуылф дӕ хорздзинӕдтӕй кӕмӕн дзаг кӕныс+,Бирӕ фырттӕ+ кӕмӕн исӔмӕ сӕ сывӕллӕттӕн бынтӕ чи скӕны, уыдонӕй+.
15 Ӕз та рӕстӕй цӕргӕйӕ уындзынӕн дӕ цӕсгом+,Цин кӕндзынӕн, куы-иу райхъал уон ӕмӕ-иу дӕ куы фенон, уӕд+.
