Михей 5:1—15
5 «Ныр та дӕхи ныллыгтӕ кӕн+, кӕмӕ бырсынц, уыцы горӕт. Знаг ныл ӕртыхст+. Израилы тӕрхонгӕнӕджы русыл лӕдзӕгӕй балӕудзысты+.
2 Ды дӕр, Вифлеем Ефрафӕ+, ӕгӕр гыццыл дӕ, цӕмӕй Иудӕйы минты ’хсӕн уай+. Дӕуӕй+ рацӕудзӕн, Израилы мӕ номӕй чи архайдзӕн, уыцы хицау+ – раджы замантӕй, рагӕй фӕстӕмӕ чи ис, уый+.
3 Уӕдӕ уал сӕ Хуыцау ныууадздзӕн+, цалынмӕ арӕг сылгоймаг нӕ ныййара, уӕдмӕ+. Йӕ иннӕ ӕфсымӕртӕ та Израилы фырттӕм ӕрыздӕхдзысты.
4 Уый сыстдзӕн ӕмӕ сӕ хиздзӕн Йегъовӕйы хъаруйӕ+, йӕ Хуыцау Йегъовӕйы стыр номы кадимӕ+. Ӕмӕ уыдон ӕдасӕй цӕрдзысты+, уымӕн ӕмӕ уӕд йӕ кад нӕрдзӕн ӕгас зӕххыл+.
5 Уый ӕрхӕсдзӕн фарн+. Ӕмӕ ассириӕгтӕ нӕ зӕхмӕ куы ’рбацӕуой ӕмӕ нын нӕ цӕрӕн мӕсгуытыл куы балӕгӕрдой+, уӕд сын сӕ ныхмӕ ракӕндзыстӕм авд фыййауы, аст кънйазы адӕмы ’хсӕнӕй.
6 Ӕмӕ уыдон Ассирийы бӕстӕ ӕмӕ Нимроды+ зӕхх йӕ бахизӕнты хъамайӕ бафхӕрдзысты*+. Ӕмӕ ассириӕгтӕ+ нӕ бӕстӕмӕ куы ’рбацӕуой, нӕ зӕххыл нын куы лӕгӕрдой, уӕд нӕ уый фервӕзын кӕндзӕн.
7 Иаковы байзӕддӕгтӕй ма чи баззайа+, уыдон бирӕ адӕмты ’хсӕн уыдзысты, Йегъовӕйӕ цы ӕртӕх ӕрцӕуы, уый хуызӕн+ ӕмӕ, кӕрдӕг донӕй чи бафсады, уыцы тӕрккъӕвдаты хуызӕн+ – сӕ ныфс адӕймаг кӕмӕн нӕу ӕмӕ зӕххон адӕймаджы фырттӕм чи не ’нхъӕлмӕ кӕсы, уыдоны хуызӕн+.
8 Иаковы байзӕддӕгтӕй ма чи баззайа, уыдон адӕмты ’хсӕн, бирӕ адӕмты ’хсӕн уыдзысты, домбай хъӕды сырдты ’хсӕн куыд вӕййы, тыхджын домбай фысты дзугты ’хсӕн куыд вӕййы, афтӕ – се ’хсӕнты куы ацӕуы, уӕд сӕ йӕ къӕхты бын ныссӕнды ӕмӕ сӕ акъабӕзтӕ кӕны+, ӕмӕ сӕ ирвӕзынгӕнӕг нӕ вӕййы.
9 Ды дӕ къух де знӕгты сӕрмӕ бӕрзонд сисдзынӕ+, ӕмӕ де знӕгтӕ иууылдӕр фӕцагъды уыдзысты»+.
10 «Уыцы бон дын ӕз,– зӕгъы Йегъовӕ,– дӕ бӕхты фесафдзынӕн ӕмӕ дын дӕ бӕхуӕрдӕттӕ ныссӕтдзынӕн+.
11 Уӕ зӕххыл цы горӕттӕ ис, уыдон фесафдзынӕн ӕмӕ уын уӕ фидаргонд горӕттӕ иууылдӕр ныппырх кӕндзынӕн+.
12 Дӕ хинтӕ дын дӕ къухӕй стондзынӕн, ӕмӕ дӕм кӕлӕнгӕнджытӕ нал уыдзӕн+.
13 Дӕ къухӕйконд хуыцӕуттӕ ӕмӕ дын дӕ кувӕн дуртӕ фесафдзынӕн, ӕмӕ, дӕ къухтӕй цы скодтай, уыдӕтты раз дӕ зонгуытыл нал хаудзынӕ+.
14 Дӕ кувӕн цӕджындзтӕй+ дын иу дӕр нал ныууадздзынӕн ӕмӕ дын дӕ горӕттӕ ныппырх кӕндзынӕн.
15 Ӕз мӕ фыдӕх ныккалдзынӕн, мӕ коммӕ чи нӕ кӕсы, уыцы адӕмтыл ӕмӕ сӕ мӕ маст райсдзынӕн»+.
Фиппаинӕгтӕ
^ Комк. «хиздзысты».
