Isaayyaas 2:1-22
2 Wanti Isaayyaas ilmi Amooz Yihudaa fi Yerusaalemiin ilaalchisee arge kana dha:+
2 Guyyoota dhumaatti,Gaarri mana YihowaaFiixee gaarotaa gararraatti jabaatee ni dhaabbata,+Tabbawwanii olittis ol ni kaafama,Saboonni hundis gara isaatti ni yaaʼu.+
3 Namoonni hedduunis dhaqanii akkana jedhu:
“Kottaa, gara gaara Yihowaatti,Gara mana Waaqa Yaaqoobitti ol haa baanu.+
Inni waaʼee karaawwan isaa nu barsiisa,Nutis daandiiwwan isaa irra ni deemna.”+
Sababiin isaas, seerri* Xiyoon keessaa,Dubbiin Yihowaas Yerusaalem keessaa ni baʼa.+
4 Inni saboota gidduutti murtii ni kenna,Dhimmoota namoota hedduutiifis furmaata ni argamsiisa.
Isaan goraadee isaanii tumanii gara maarashaatti,Eeboo isaaniis tumanii gara haamtuutti ni jijjiiru.+
Sabni saba irratti goraadee hin kaasu,Isaan kana booda waraana hin baratan.+
5 Yaa mana Yaaqoob, kottaa,Ifa Yihowaatiin haa deddeebinu.+
6 Ati saba kee, mana Yaaqoob dhiisteetta,+Sababiin isaas, isaan wantoota Baha irraa dhufaniin guutamaniiru;Isaan akkuma Filisxeemotaatti mora raawwatu,+Ijoollee namoota biyya ormaatiinis guutamaniiru.
7 Biyyi isaanii meetii fi warqiidhaan kan guutame dha,Qabeenyi isaaniis hammana kan jedhamu miti.
Biyyi isaanii fardeeniin kan guutame dha,Gaariiwwan fardaa isaaniis hammana kan jedhaman miti.+
8 Biyyi isaanii waaqolii gatii hin qabneen guutameera.+
Isaan hojii harka isaaniitiif,Wantuma qubni isaanii tolcheef ni sagadu.
9 Kanaafuu, namni gad ni qabama, ni salphatas,Atis matumaa dhiifama isaaniif hin gootu.
10 Fuula Yihowaa isa sodaachisaa,Simboo isaa isa ulfina qabeessa taʼeenis kan kaʼe,+Isin qarsaa keessa seenaa, biyyoo keessas dhokadhaa.
11 Ijji namaa inni of tuulu ni salphifama,Namoonni of guguddisanis gad ni qabamu.
Guyyaa sanatti Yihowaa qofatu ol qabama.
12 Sababiin isaas, guyyichi guyyaa Yihowaa Gooftaa Raayyaa ti.+
Guyyichi nama of tuuluu fi ol of qabu hundumaa irratti,Isa ol qabames taʼe isa gad qabame hundumaa irratti,+
13 Mukeetii gaattiraa Libaanon warra dhedheeroo fi ol kaʼoo taʼan hundumaa irratti,Mukeetii qilxuu Baashaan hundumaa irrattis,
14 Gaarota ol kaʼoo hundumaa irrattiTulluuwwan dhedheeroo hundumaa irrattis,
15 Masaraa ol kaʼaa hundumaa fi dallaa dhagaa hundumaa irratti,
16 Dooniiwwan Tarshiish+ hundumaa irratti,Akkasumas bidiruuwwan babbareedoo hundumaa irratti ni dhufa.
17 Namni of tuulu ni salphifama,Namoonni of guguddisanis gad ni qabamu.
Guyyaa sanatti Yihowaa qofatu ol qabama.
18 Waaqoliin gatii hin qabne guutummaatti ni badu.+
19 Yeroo inni lafti sodaadhaan akka hollattu gochuuf kaʼutti,Fuula Yihowaa isa sodaachisaa taʼeen,Simboo isaa isa ulfina qabeessa taʼeenis kan kaʼe,+Namoonni gara holqa qarsaa keessa jiruutti,Gara boolla lafa keessa jiruuttis ni seenu.+
20 Guyyaa sanatti namoonni waaqolii isaanii warra gatii hin qabne, warra meetii fi warqii irraa tolfaman,Warra isaaniif sagaduuf tolfatanii turan sana fuudhanii,Hantuutaa* fi simbira halkaniitiif ni darbatu;+
21 Isaan kana kan godhan, yeroo inni lafti sodaadhaan akka hollattu gochuuf kaʼutti,Fuula Yihowaa isa sodaachisaa taʼeen,Simboo isaa isa ulfina qabeessa taʼeenis kan kaʼe,Gara boolla qarsaa keessa jiruutti,Gara baqaqaa kattaa keessa jiruuttis seenuuf jedhanii ti.
22 Ofuma keessaniif jedhaatiiNama isa akkuma hafuura funyaan isaa keessaa baʼuu taʼetti* amanamuu dhiisaa.
Bakki guddaan maaliif isaaf kennama?
Miiljaleewwan
^ Ykn., “barumsi.”
^ Gosa hantuutaa nyaatee hin quufne.
^ Ykn., “hafuurri isaa funyaan isaa keessa jirutti.”
