Faarfannaa 99:1-9
99 Yihowaan Mootii taʼeera.+ Saboonni haa romʼan.
Inni kiruubelotaa olitti* teessoo irra taaʼeera.+ Lafti haa raafamtu.
2 Yihowaan Xiyoon keessatti guddaa dha,Saboota hundumaa irrattis kan ol qabame dha.+
3 Inni sodaachisaa fi qulqulluu waan taʼeef,Isaan maqaa kee isa guddaa haa jajatan.+
4 Inni mootii jabaa haqa jaallatu dha.+
Ati wanta qajeelaa taʼe cimsitee dhaabdeetta.
Yaaqoob keessatti haqaa fi qajeelummaa argamsiisteetta.+
5 Waaqa keenya Yihowaa ol qabaa,+ ejjeta miila isaa durattis sagadaa;*+Inni qulqulluu dha.+
6 Musee fi Aaron luboota isaa keessaa tokko turan,+Saamuʼelis warra maqaa isaa waammatan keessaa tokko ture.+
Isaan Yihowaa ni waammatu turan,Innis isaaniif ni deebisa ture.+
7 Inni utubaa duumessaa keessaa isaanitti dubbata ture.+
Isaanis yaadachiisawwanii fi labsiiwwan inni isaaniif kenne eeganiiru.+
8 Yaa Waaqa keenya Yihowaa, deebii isaaniif kenniteetta.+
Ati Waaqa isa dhiifama isaaniif godhe dha,+Taʼus cubbuuwwan isaan raawwataniif isaan adabdeetta.*+
9 Waaqni keenya Yihowaan qulqulluu waan taʼeef,+Waaqa keenya Yihowaa ol qabaa,+Gaara isaa isa qulqulluu durattis sagadaa.*+
Miiljaleewwan
^ Ykn tarii, “kiruubelota gidduu.”
^ Ykn., “waaqeffadhaa.”
^ Kal., “isaan irratti haaloo baateetta.”
^ Ykn., “waaqeffannaa dhiheessaa.”
