Dhaabbileen Amantii Kiristiyaanaa Hedduun kan Jiraatan Maaliifi?
Deebii Kitaaba Qulqulluu
Namoonni barumsawwan Yesuus Kiristoositti fayyadamanii dhaabbilee Amantii ‘Kiristiyaanaa’ jedhaman hedduu hundeessaniiru. Haa taʼu malee, Kitaabni Qulqulluun Kiristiyaanummaa dhugaa tokko qofti akka jiru mirkaneessa. Sababiiwwan kana itti jennu sadii armaan gaditti ibsamaniiru.
Yesuus “dhugaa” akka barsiise dubbateera; Kiristiyaanonni jaarraa jalqabaas amantii isaanii “dhugaa” jedhanii waamu turan. (Yohaannis 8:32; 2 Pheexiros 2:2; 2 Yohaannis 4; 3 Yohaannis 3) Jechoonni kun akka argisiisanitti, namoonni barumsa amantii Yesuus barsiise wajjin wal faallessan babalʼisan Kiristiyaanota dhugaa jedhamuu hin dandaʼan.
Kitaabni Qulqulluun Kiristiyaanonni ‘wanti dubbatan tokko taʼuu’ akka qabu barsiisa. (1 Qorontos 1:10) Haa taʼu malee, dhaabbileen Kiristiyaanota jedhaman hedduun barumsawwan buʼuuraa Kiristiyaana taʼuu wajjin kan wal faallessani dha. Dhaabbileen amantii kun hundi sirrii taʼuu hin dandaʼan.—1 Pheexiros 2:21.
Yesuus namoonni Kiristiyaana ofiin jedhanii fi ajajawwan inni kenne hin raawwanne hedduun akka jiraatan raajii dubbateera, akkasumas namoota akkasii akka hin simanne dubbateera. (Maatewos 7:21-23; Luqaas 6:46) Namoonni tokko tokko geggeessitoota amantii faayidaa isaaniitiif jecha waaqeffannaa dhugaa mancaasaniin gowwoomfamaniiru. (Maatewos 7:15) Haa taʼu malee, namoonni kaan nama maqaa amantii Kiristiyaanaatiin dhugaa Kitaaba Qulqulluu isaan barsiisu utuu hin taʼin, nama wanta isaan dhagaʼuu barbaadan isaanitti himan filatu.—2 Ximotewos 4:3, 4.
Yesuus fakkeenya waaʼee qamadii fi inkirdaadaa dubbate irratti, Kiristiyaanummaa dhugaa irratti gantummaan guddaan akka dhufu raajii dubbateera. (Maatewos 13:24-30, 36-43) Waggoota dheeraadhaaf, Kiristiyaanummaa dhugaa fi Kiristiyaanummaa sobaa gargar baasuun hin dandaʼamu ture. Akkuma Yesuus dursee dubbatee ture, erga ergamoonni isaa duʼanii booda gantummaan babalʼatee ture. (Hojii Ergamootaa 20:29, 30) Barumsawwan gantummaa garaa gara taʼanis, gosawwan Kiristiyaanummaa sobaa hundi “dhugaa irraa jalʼataniiru.”—2 Ximotewos 2:18.
Kana malees, Yesuus oolee bulee Kiristiyaanummaan dhugaa fi Kiristiyaanummaan sobaa gargar akka baʼu raajii dubbateera. Kun kan taʼe bara keenyatti, jechuunis “dhuma sirna kanaa” keessatti dha.—Maatewos 13:30, 39.
Kanneen Armaan Gadiis ni Jaallatta Taʼa
GAAFFIIWWAN YEROO BAAYʼEE GAAFATAMAN
Dhugaa Baatonni Yihowaa Kiristiyaanotadhaa?
Amantiiwwan Kiristiyaanota jedhamanii waamaman kaanirraa adda kan taane akkamitti akka taʼe bari.
ESSENTIAL BIBLE TEACHINGS
Waaqayyo Waaqeffannaa Gosa Hundaa ni Fudhataa?
Namoonni hedduun amantiin kee maal iyyuu yoo taʼe jijjiirama hin fidu jedhanii amanu.
DEEBII GAAFFII KITAABA QULQULLUU
Nama Hafuuraa Jechuun Maal Jechuudha? Amantaan Hordofu Utuu Hin Qabaatin Nama Hafuuraa Taʼuu Nan Dandaʼaa?
Yaadawwan sadan karaa hafuuraa guddachuuf si gargaaran ilaali, akkasumas, dhimma kana ilaalchisee yaadawwan dogoggoraa arfan ilaali.
MATA DUREEWWAN DABALATAA
Amantiin Mala Kan Biraa Qarshii Ittiin Argatanidhaa?
Waldaa tokko tokko keessatti, namoonni achitti walitti qabaman baayʼeen isaanii harka qalleeyyii siʼa taʼan inni lallabu garuu baayʼee sooressadha.
GAAFFIIWWAN YEROO BAAYʼEE GAAFATAMAN
Dhugaa Baatonni Yihowaa Amantiin Isaanii Qofti Dhugaa Akka Taʼe Amanuu?
Yesus karaan gara fayyinaatti geessu hedduu akka taʼe dubbateeraa?
WAAʼEE KEENYA
Walga’ii Irratti Argami
Waa’ee walga’ii keenyaa baradhu. Galma walga’ii naannoo keetti dhihoo jiru barbaadi.