BUSUA NE a le ngyehyɛleɛ mɔɔ ɛhyɛ kpalɛ a, noko ɔlɛyia ngyegyelɛ ɛnɛ. Ngakula mɔɔ no nyile ɛtane nee ɛbɛlatane mɔɔ ɛlɛkɔ ɔ nyunlu, ɛnɛ mekɛ ye anu ewolebɔlɛ nee abusua nu basabasayɛlɛ, awovolɛ ko abusua mɔɔ ɛlɛso kpalɛ yɛɛ ngyegyelɛ mɔɔ anu yɛ se la maa ɔsi bie mɔ anwo kɛ saa abusua ne bagyinla a.

Asoo abusua ne bagyinla na bɛanyia mɔɔ bɛhyia nwolɛ la nee anwobanebɔlɛ? Ɛhɛe, saa abusua ne anu amra amgba ze mɔɔ fa abusua anyelielɛ ba la a. Deɛ ɛhye ɛnvea. Bɛzɔ ɛhye bɛnlea fane dɔɔnwo wɔ ɛvoyia dɔɔnwo anu. Duzu debie ɔ? Buluku ɛhye, Mɔɔ Fa Abusua Anyelielɛ Ba La, fa nwolɛ mualɛ maa. Eza ɔfa neazo kpalɛ mɔɔ fane kɛzi deɛ ɛhye “mɔɔ fa” anyelielɛ ba la bahola aboa yeamaa yɛali abusua ne anu ngyegyelɛ mɔɔ anu yɛ se la anwo gyima la ɔmaa. Awie wɔ ɛkɛ ɛnɛ mɔɔ ɔngyia edwɛkɛ ɛhye anwo ɔ?