AYILELIELƐ ƐLEKA Yɛsɛlɛ wɔ, kakye kɛ awie mɔɔ anwo kɛdo ye arɛlevilɛ nu la ala a bɛnea ye wɔ ɛkɛ a.

ƐLEKA MƆƆ YƐTƐNLA Yɛsɛlɛ wɔ dwenle menli gyɛne anwo. Kakye kɛ, wɔ abusua ne anu amra nee awie mɔɔ vole wɔ kale ne bie, menli mɔɔ ɛ nee bɛ de awuke ko anu yɛɛ menli mɔɔ ɛ nee bɛ ɛlɛsukoa Baebolo ne la ala a ɛbahola wɔava ɛleka wɔazie bɛ a. Yɛsɛlɛ wɔ mmafa ninyɛne ɛgugua mbia mɔɔ awie ɛnrɛdɛnla zo la azo.

ƐZƆNENLƐ Bɛbagyakyi mbia mɔɔ wɔ bama ne anyunlu la bɛamaa ɛzɔnenlɛma ne. Ɔwɔ kɛ menli mɔɔ bɛbazɔne bɛ la kɔtɛnla ɛkɛ ne kolaa na ɛzɔnenlɛ ɛdendɛlɛ ne abɔ ɔ bo wɔ Folɛ nwonlomɔ. Ɔwɔ kɛ bɛ nuhua ko biala fa tohulu nee tɛladeɛ mɔɔ fɛta mɔɔ bɛbava bɛazɔne ye la ba.

MENLI MƆƆ DIE NYƐVOLƐ Bɛye menli mɔɔ die nyɛvolɛ la kɛ bɛboa wɔ. Yɛsɛlɛ wɔ, ɛ nee bɛ ɛyɛ ko na tie adehilelɛ mɔɔ bɛfa bɛmaa wɔ ɛleka mɔɔ bɛfa kale bɛsie, ɛleka mɔɔ ɔwɔ kɛ menli fa anzɛɛ bɛtɛnla nee ninyɛne gyɛne nwo la.

NDOBOA Bɛbɔ kakɛ kpole a bɛyɛ ngyehyɛleɛ bɛmaa yɛnyia ɛleka mɔɔ yɛbadɛnla, debie mɔɔ bɛtendɛ nu, ninyɛne mɔɔ bɛfa bɛye vidio nee moalɛ ngakyile mɔɔ maa nyianu ne ɛralɛ yɛ anyelielɛ na ɔmaa yɛtwe yɛbikye Gyihova a. Ndoboa mɔɔ ɛfi ahonle nu ɛye la boa maa bɛtua kakɛ ɛhye mɔ na eza ɔboa ewiade amuala gyima ne. Bɛva ndoboa nlɛka bɛziezie nyianu ye abo amuala amaa wɔ ndoboa ɛyelɛ anyɛ se. Eza ɛbahola wɔalua donate.isa4310.com azo wɔaye ndoboa. Yɛ nye sɔ ndoboa biala mɔɔ ɛbaye la kpalɛ. Neazo Eku ne kulo kɛ ɔyɛ wɔ mo kɛ ɛfi wɔ ahonle nu ɛboa Belemgbunlililɛ ne anwo gyimayɛlɛ la.

NINYƐNE NEE MENLI MƆƆ KƐMINLI NA BƐKƐNWU BƐ LA ƐLEKA Ɔwɔ kɛ bɛfa ninyɛne mɔɔ bɛkɛnwu bɛ la amuala bɛkɔ ɛleka ɛhye. Saa wɔ debie ɛminli a, kɔ ɛleka ɛhye kɔnlea. Ɔwɔ kɛ bɛfa ngakula mɔɔ bɛvi bɛ awovolɛ anwo na bɛminli la bɛkɔ ɛleka ɛhye. Noko akee, amaa tɛnlabelɛ ɛhye mɔɔ gyegye adwenle la anzi la, yɛsɛlɛ wɔ, nea ɛ mra boɛ na maa bɛdɛnla ɛ nwo ɛkɛ.

TUNWOMAA GYIMA Saa ɛkulo kɛ ɛtu ɛ nwo ɛmaa ɛboa gyimayɛlɛ wɔ nyianu ne abo a, yɛsɛlɛ wɔ kɔ Information and Volunteer Service Department ɛkɛ.