Baebolo Kpuya Mɔɔ Bɛbua
Nzɔne ati a ngapezo wɔ Baebolo ne anu a?
Kɛzi Baebolo ne ka mɔɔ ɛlɛsisi yɛ mekɛ ye azo la anwo edwɛkɛ ɛ?—Luku 21:10, 11.
Ngapezo dɔɔnwo wɔ Baebolo ne anu. Dasanli biala ɛnrɛhola ɛnrɛha mɔɔ bazi kenle bie la anwo edwɛkɛ. Yemɔti, Baebolo ngapezo mɔɔ ɛra nu la maa yɛnyia anwodozo bɔkɔɔ kɛ Baebolo ne le Nyamenle Edwɛkɛ.—Kenga Dwɔhyua 23:14; 2 Pita 1:20, 21.
Baebolo ngapezo mɔɔ ɛra nu la maa yɛnyia Nyamenle anu diedi kpundii. (Hibuluma 11:1) Eza bɛmaa yɛnyia anwodozo kɛ kenle bie asetɛnla kpalɛ mɔɔ Nyamenle ɛbɔ nwolɛ ɛwɔkɛ la bara nu. Ɛhye ati, Baebolo ngapezo maa yɛnyia anyelazo.—Kenga Edwɛndolɛ 37:29; Wulomuma 15:4.
Kɛzi Baebolo ngapezo boa yɛ ɛ?
Ngapezo bie mɔ bɔle Nyamenle azonvolɛ kɔkɔ maanle bɛyɛle bɛ debie ndɛndɛ. Kɛ neazo la, mekɛ mɔɔ ɛvoya mɔɔ limoa Kilisienema nwunle kɛ ngapezo bie ɛra nu la, bɛvile Gyɛlusalɛm. Nzinlii, bɛzɛkyele sua ne ɔluakɛ menli ne anu dɔɔnwo kpole Gyisɛse. Ɛnee Kilisienema ɛhɔ ɛleka mɔɔ bɛlɛ banebɔlɛ la.—Kenga Luku 21:20-22.
Ɛnɛ, ngapezo dɔɔnwo mɔɔ ɛra nu la maa yɛnwu kɛ ɔnrɛhyɛ Nyamenle Belemgbunlililɛ ne baye alesama arelemgbunli nee arane ngakyile avi ɛkɛ. (Daneɛle 2:44; Luku 21:31) Yemɔti ɔhyia kɛ awie biala yɛ ye debie ndɛndɛ amaa yeanyia Gyisɛse Kelaese mɔɔ Nyamenle ɛyɛ ye Belemgbunli la anyunlu ɛlolɛ.—Kenga Luku 21:34-36.
Bie A Eza Ɛ Nye Balie
BAEBOLO KPUYA MƆƆ BƐBUA
Duzu A Le Ngapezo?
Asoo ngapezo biala mɔɔ vi Nyamenle ɛkɛ ne la fale kenle bie edwɛkɛ anwo? Kyɛkyɛ.
