Gyisɛse ze kɛzi ɛtanelilɛ nee nzisi maa yɛnwu amaneɛ la kpalɛ. Bɛdole ye ɛzonle, bɛbole ye, bɛluale adenle ɛtane zo bɛlile ye edwɛkɛ, bɛbuale ye ewule fɔlɛ na bɛhunle ye alɔbɔlɛ nu. Ɛnee ɔnli fɔlɛ, noko ɔvile ye ahonle nu ɔbɔle afɔle na ɔvale ‘ye ngoane ɔyɛle ɛkpɔnedeɛ ɔliele menli dɔɔnwo.’ (Mateyu 20:28; Dwɔn 15:13) Kɛkala, ɔle Nyamenle Belemgbunlililɛ ne azo Belemgbunli, na ɔnrɛhyɛ ɔbamaa pɛlepɛlelilɛ ahɔ zo wɔ azɛlɛ ye amuala azo na yeaye nzisi nee ɛtanelilɛ yeavi ɛkɛ ne bɔkɔɔ.​—Ayezaya 42:3.

 Baebolo ne ka kɛzi ewiade bayɛ wɔ mekɛ mɔɔ Gyisɛse bayɛ ɛhye la anwo edwɛkɛ kɛ:

•   “Amumuyɛma ɛnle ɛkɛ bieko; ɛbahɔnlea ɛleka mɔɔ ɛnee bɛde la, na ɛnrɛnwu bɛ wɔ ɛkɛ. Noko bɛlɛvoma banyia azɛlɛ ne, na bɛ nye balie kpalɛ wɔ anzodwolɛ dɔɔnwo anu.”​—Edwɛne 37:10, 11.

 Kɛ ɔkɛyɛ na yɛahile mɔɔ Gyisɛse ɛyɛ ɛmaa yɛ nee mɔɔ ɔnrɛhyɛ ɔbayɛ yeamaa yɛ la anwo anyezɔlɛ ɛ? Gyisɛse hanle hilele ye ɛdoavolɛma wɔ Luku 22:19 kɛ bɛhakye ye ewule ne. Ɛhye ati a Gyihova Alasevolɛ yia nu ɛvolɛ biala bɛkakye ye ewule ne la. Yɛlɛto ɛsalɛ yɛavɛlɛ wɔ kɛ ɛraboka yɛ nwo ɛmaa yɛyɛ Gyisɛse ewule Ngakyelɛ ne wɔ Molɛ, March 24, 2024.

Kpondɛ Ngakyelɛlilɛ