Maake Edwɛkpa 16:1-8
-
Bɛdwazo Gyisɛse (1-8)
16 Yemɔti mɔɔ Ɛnwomenlelielɛ kenle ne+ pɛle nu la, Mɛle Magedalene, Gyemise mame Mɛle+ yɛɛ Salome totɔle nyile evuanlɛ rale kɛ bɛfa bɛakpokpa ye funli ne.+
2 Na dapɛne ne kenle mɔɔ limoa la nwonlomɔ mangyee ne mɔɔ ɛnee sɛnzɛne ne ɛvinde la, bɛhɔle nla* ne azo.+
3 Ɛnee bɛlɛka bɛahile bɛ nwo ngoko kɛ: “Nwane a bahundo bolɛ ne avi nla ne anloa amaa yɛ a?”
4 Noko mɔɔ bɛmaanle bɛ nye zo la, bɛnwunle kɛ bɛhundo bolɛ kpole ne bɛvi ɛkɛ.+
5 Mekɛ mɔɔ bɛwolole nla ne anu la, bɛnwunle kɛ kpavolɛ bie wula tɛladeɛ fufule tendenle de fema zo ɛkɛ ne, na bɛ ahonle dule.
6 Ɔzele bɛ kɛ: “Bɛmmamaa bɛ ahonle tu.+ Meze kɛ bɛlɛkpondɛ Gyisɛse mɔɔ vi Nazalɛte mɔɔ bɛhunle ye wɔ baka ne azo la. Bɛdwazo ye.+ Ɔnle ɛke. Bɛnlea, ɛke a bɛdole ye a.+
7 Na bɛhɔha bɛhile ye ɛdoavolɛma ne nee Pita kɛ, ‘Ɔlɛdimoa bɛ nyunlu wɔ Galeli.+ Bɛbanwu ye wɔ ɛkɛ, kɛ mɔɔ ɔhanle ɔhilele bɛ la.’”+
8 Yemɔti mɔɔ bɛvindele la, bɛvale anwowosolɛ nee azibɛnwo bɛnriandile bɛvile nla ne azo bɛhɔle. Na bɛanga ɛhwee bɛangile awie biala ɔluakɛ ɛnee bɛsulo.*+
Ɔbodwɛkɛ
^ Anzɛɛ “ngakyelɛ nla.”
