Dwobu 14:1-22
14 “Sonla mɔɔ raalɛ ɛwo ye la,Ɛndɛnla aze ɛngyɛ+ na ye ɛbɛlabɔlɛ nu le ngyegyelɛ* ngome.+
2 Ɔkpakye kɛ felawɔse na ɔnwoso;*+Ɔpɛ nu kɛ ɛlawolɛ na ɔminliminli.+
3 Ɛhɛe, wɔdu ɛ nye wɔzie ɔ nwo,Na ɛfa ye ɛkɔ na ɛ nee ye kɔdi edwɛkɛ.+
4 Asoo sonla mɔɔ ɛtane wɔ ɔ nwo la kɛhola kɛwo sonla mɔɔ ɛtane ɛnle ɔ nwo ɔ?+
Awie biala ɛnrɛhola!
5 Bɛzi mekɛ dodo mɔɔ sonla bali la anwo kpɔkɛ,Siane dodo mɔɔ ɔbali la wɔ ɛ sa nu,Wɔgya ɛweɛne wɔmaa ye amaa yeandɛla.+
6 Ye ɛ nye fi ɔ nwo amaa yealie ɔ menle,Kɔkpula kɛ ɔbawie ye ngoane mekɛ ne di kɛ ɛkpanli la.+
7 Ɔluakɛ baka bɔbɔ, anyelazo wɔ ɛkɛ ne maa ye.
Saa bɛpɛ ye a, ɔbafifi bieko,Na ɔ nye ne bahɔ zo awɔlɔ.
8 Saa ye ndinli ne kyɛ azeNa ye dosinli ne wu ɛnwea ne anu,
9 Na ɔte nzule nganeɛ ala a ɔfifi;Na ɔkpakye ngane kɛ baka fofolɛ la.
10 Noko sonla wu mɔɔ ɔngola ɛhwee yɛ;Saa sonla ti bɔ aze a, ɔwɔ nienwu?+
11 Nzule minliminli nyevile nu,Yɛɛ azudenle sesa na ɔwe.
12 Sonla noko kɔda mɔɔ ɔndwazo a.+
Kɔkpula kɛ anwuma ɛnle ɛkɛ ne bieko la, bɛnrɛdwazo,Yɛɛ bɛnrɛvi nafelɛ nu bɛnrɛdunwue.+
13 O anrɛɛ wɔva me wɔvea Nla* ne anu,+Anrɛɛ wɔva me wɔvea kɔkpula kɛ wɔ ɛya ne bapɛ nu,Anrɛɛ wɔhile me mekɛ na wɔahakye me!+
14 Saa sonla wu a, asoo ɔbadɛnla aze bieko?+
Mebahendɛ wɔ me mialera nu ɛzonlenlɛ mekɛ kɔsɔɔti anu,Kɔkpula kɛ me ɛnwomenlelielɛ kɛra.+
15 Ɛbavɛlɛ, na mebalie wɔ zo.+
Ɛ nwo balɔ ɛ sa anloa gyima ne.
16 Noko kɛkala, ɛkɔ zo ɛtia me gyakɛ biala mɔɔ mekɛdu la;Me ɛtane ne ala a ɛnea a.
17 Wɔgua me mɛladonlɛ wɔ baage nu wɔdo nu,Na wɔva ɛyɛlɛ wɔzɔ me nvonleɛ nloa.
18 Kɛ mɔɔ boka te gua aze na ɔ bo zo minliNa bodane tudu fi ɔ bo zo ne,
19 Kɛ mɔɔ nzule wowo awolɛ kɔNa ye azuyilɛ wowo azɛlɛ ne azo ɛnwea kɔ la,Zɔhane ala a wɔzɛkye sonla dasanli anyelazo a.
20 Ɛkolo ɔ nwo zo dedee ɔfi ɛkɛ;+Ɛkakyi kɛzi ɔde la na ɛye ye ɛfi ɛkɛ.
21 Bɛdi ɔ mra eni, noko ɔnze;Bɛgua bɛ nyunlu aze, noko ɔnnwu ye.+
22 Mekɛ mɔɔ ɔ nwo nane ne tɛbɔ ɔ nwo la ala a ɔte nyane a;Mekɛ mɔɔ ɔtɛte* ngoane nu la ala a ɔsu a.”
Ɔbodwɛkɛ
^ Anzɛɛ “amaneɛnwunlɛ.”
^ Anzɛɛ ɔkola ɔkile, “na bɛpɛ ye bɛfi ɛkɛ.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “ye ɛkɛla tɛte.”
