Edwɛne 46:1-11
Kɔmaa edwɛndolɛma kpanyinli ne. Kɔla amra ne mɔ+ edwɛne. Alamɔto* zo.
46 Nyamenle le yɛ ɛvealeka nee yɛ anwosesebɛ,+Yɛnyia ye ɛkɛ ne moalɛ wɔ anwongyelelɛ mekɛ nu dahuu.+
2 Ɛhye ati, saa azɛlɛ ne kakyi,Na awoka tudu kɔgua nyevile ne abo nehane bɔbɔ a, yɛnrɛzulo,+
3 Saa nuhua nzule kulu na ɔwu awubue,+Na ye ɛdulɛ* ne maa awoka ne mɔ kpusu bɔbɔ a, yɛnrɛzulo. (Sila)
4 Azule bie wɔ ɛkɛ mɔɔ ye azudenle ne maa Nyamenle suakpole ne azo yɛ anyelielɛ a,+Anwuma Anwumanli ne ɛdanlɛsua kpole nwuanzanwuanza ne.
5 Nyamenle wɔ suakpole ne azo;+ bɛnrɛhola ye sɛkye.
Nyamenle baraboa ye wɔ aleɛbahye ne.+
6 Maanle maanle ne mɔ yɛle begyebegye, bɛzɛkyele arelemgbunlililɛ ne mɔ;Ɔmaanle ɔ ne zo, na azɛlɛ ne holole.+
7 Ɛlɔne Gyihova nee yɛ lua;+Gyekɔbo Nyamenle ne le yɛ ɛvealeka kpalɛ.* (Sila)
8 Bɛrɛla na bɛranlea Gyihova gyima ne mɔ,Kɛzi yeyɛ nwanwane ninyɛne wɔ azɛlɛ ne azo la.
9 Ɔmaa bɛgyakyi konle wɔ azɛlɛ ye kɔsɔɔti azo.+
Ɔbubu ɛda nu na ɔsɛkye atwɛ ne mɔ;Ɔfa senle ɔyela konle ehwili* ne mɔ.
10 Bɛlie bɛdo nu na bɛnwu ye kɛ medame a mele Nyamenle a.
Bɛbakpogya me zo wɔ maanle maanle ne mɔ anu;+Bɛbakpogya me zo wɔ azɛlɛ ne azo.+
11 Ɛlɔne Gyihova nee yɛ lua;+Gyekɔbo Nyamenle ne le ɛvealeka kpalɛ maa yɛ.+ (Sila)
Ɔbodwɛkɛ
^ Nea Edwɛkɛbohilelɛ.
^ Anzɛɛ “ye azɛlɛkye.”
^ Anzɛɛ “aranemgbole.”
^ Anzɛɛ ɔkola ɔkile, “enyinlike.”
