Edwɛne 145:1-21
Devidi ayɛlɛyelɛ edwɛne.
א [Aleph]
145 Mebakpogya wɔ zo, O me Nyamenle, me Belemgbunli,+Mebaye wɔ duma ne ayɛlɛ dahuu.+
ב [Beth]
2 Mebaye wɔ ayɛlɛ alehyenlɛ biala;+Mebaye wɔ duma ne ayɛlɛ dahuu.+
ג [Gimel]
3 Gyihova le bedevinli yɛɛ ɔfɛta ayɛlɛyelɛ kpole kpalɛ;+Bɛngola bɛnvedevede ye kpoleyɛlɛ ne anu.*+
ד [Daleth]
4 Bɛbaye wɔ gyima ne mɔ ayɛlɛ ɔvi awolɛndoazo zo kɔdwu awolɛndoazo zo;Bɛbaha wɔ gyima mgbole* ne mɔ anwo edwɛkɛ bɛahile.+
ה [He]
5 Bɛbaha wɔ tumililɛ ne nee wɔ anyunlunyia kɛnlɛma ne anwo edwɛkɛ+Na mebadwenledwenle wɔ nwanwane gyima ne mɔ anwo.
ו [Waw]
6 Bɛbaha wɔ nyɛleɛ ɛzulolɛ ne mɔ* anwo edwɛkɛ,Na mebabɔ wɔ kpoleyɛlɛ ne nolo.
ז [Zayin]
7 Saa bɛkakye wɔ kpalɛyɛlɛ dɔɔnwo ne a, bɛbaha nwolɛ edwɛkɛ,+Na wɔ tenleneyɛlɛ ne ati, bɛbadea nu anyelielɛ nu.+
ח [Heth]
8 Gyihova akunlu yelɛyela ye* yɛɛ ɔse anwunvɔne,+Ɔkyɛ na yeava ɛya yɛɛ ye ɛlɔlɛ kpundii ne le kpole.+
ט [Teth]
9 Gyihova le kpalɛ maa menli kɔsɔɔti,+Na ye anwunvɔnezelɛ da ali wɔ ye gyima kɔsɔɔti anu.
י [Yod]
10 O Gyihova, wɔ gyima kɔsɔɔti bawula wɔ anyunlunyia,+Na wɔ nɔhavoma baye wɔ ayɛlɛ.+
כ [Kaph]
11 Bɛbabɔ wɔ belemgbunlililɛ ne anyunlunyia ne nolo+Na bɛaha wɔ tumi kpole ne anwo edwɛkɛ,+
ל [Lamed]
12 Amaa menli anwu wɔ gyima mgbole* ne mɔ+Nee wɔ belemgbunlililɛ ne anyunlunyia kɛnlɛma ne.+
מ [Mem]
13 Wɔ belemgbunlililɛ ne le dahuu belemgbunlililɛ,Yɛɛ wɔ tumililɛ ne wɔ ɛkɛ wɔ awolɛndoazo kɔsɔɔti anu.+
ס [Samekh]
14 Gyihova sɔ bɛdabɛ mɔɔ bɛlɛgua aze la kɔsɔɔti,+Na ɔmaa bɛdabɛ mɔɔ bɛgua aze la kɔsɔɔti zo.+
ע [Ayin]
15 Abɔdeɛ kɔsɔɔti anye la ɛ nwo zo;Ɛmaa bɛ aleɛ wɔ ye mekɛ nloa.+
פ [Pe]
16 Ɛbuke ɛ sa nuNa ɛmaa tease abɔdeɛ biala nyia mɔɔ ɔkulo la.+
צ [Tsade]
17 Gyihova le tenlenenli wɔ ye ndenle kɔsɔɔti anu+Yɛɛ ɔdi nɔhalɛ wɔ ye nyɛleɛ kɔsɔɔti anu.+
ק [Qoph]
18 Gyihova bikye bɛdabɛ mɔɔ bɛfɛlɛ ye la kɔsɔɔti,+Bɛdabɛ mɔɔ bɛfɛlɛ ye nɔhalɛ nu la kɔsɔɔti.+
ר [Resh]
19 Ɔmaa bɛdabɛ mɔɔ bɛsulo ye la nyia mɔɔ bɛkulo la;+Ɔtie bɛ ɛzunlɛ, na ɔdie bɛ.+
ש [Shin]
20 Gyihova bɔ bɛdabɛ mɔɔ bɛkulo ye la kɔsɔɔti anwo bane,+Noko ɔbazɛkye amumuyɛma amuala.+
ת [Taw]
21 Me nloa babɔ Gyihova ayɛlɛyelɛ ne nolo;+Bɛmaa tease abɔdeɛ biala* ɛye ye duma nwuanzanwuanza ne ayɛlɛ dahuu.+
Ɔbodwɛkɛ
^ Anzɛɛ “bɛngola bɛnde ɔ bo.”
^ Anzɛɛ “tumi nyɛleɛ.”
^ Anzɛɛ “wɔ tumi ne.”
^ Anzɛɛ “le dovolɛ.”
^ Anzɛɛ “tumi nyɛleɛ.”
^ Hibulu aneɛ nu, “nwonane kɔsɔɔti.”
