Edwɛne 144:1-15
Devidi edwɛne.
144 Ayɛlɛyelɛ ɛha Gyihova, me bodane,+Mɔɔ tete me sa maa konle,Nee me sa mrɛlɛsɛka ɔmaa mekɔ konle la.+
2 Ɔle me ɛlɔlɛ kpundii nee me aranemgbole,Me ɛvealeka kpalɛ nee me dievolɛ,Me enyinlike nee Awie mɔɔ menriandi mefea ye nu,+Mɔɔ maa menli bɛlɛ bɛ nwo aze maa me.+
3 O Gyihova, dasanli le duzu mɔɔ ɔwɔ kɛ ɛmaa ɛ nye kɔ ɔ nwo a,Sonla ra le duzu mɔɔ ɔwɔ kɛ ɛtie ye a?+
4 Sonla le kɛ ɛnwomenle ala;+Ye ngoane mekɛ le kɛ ɛlawolɛ mɔɔ ɛlɛpɛ nu la.+
5 O Gyihova, maa wɔ anwuma ne ɛha aze* na dwu;+Fa ɛ sa ka awoka ne mɔ na maa bɛkpu esike.+
6 Maa ɛsɛlɛmanye ɛkpakye na bɔ me kpɔvolɛma asande;+To wɔ ɛda ne mɔ na maa bɛ adwenle ɛdu ɛfonyia.+
7 Tenrɛ ɛ sa fi anwuma lɔ,Die me na ye me fi azule mɔɔ ɛlɛtu la anu,Die me fi nyɛvolɛ asa anu,+
8 Bɛdabɛ mɔɔ bɛfa bɛ nloa bɛka adalɛ edwɛkɛNa bɛmaa bɛ sa fema ne zo bɛka adalɛ ndane la.*
9 O Nyamenle, mebado edwɛne fofolɛ meamaa wɔ.+
Mebado* ayɛlɛyelɛ edwɛne meamaa wɔ, mebabɔ ye wɔ nyɛma bulu getaa zo,
10 Meamaa Ahenle mɔɔ maa arelemgbunli di konim,*+Ahenle mɔɔ die ye sonvolɛ Devidi fi ewule konle dadeɛ nloa la.+
11 Die me na ye me fi nyɛvolɛ asa anu,Bɛdabɛ mɔɔ bɛfa bɛ nloa bɛka adalɛ edwɛkɛNa bɛmaa bɛ sa fema ne zo bɛka adalɛ ndane la.
12 Na yɛ mra mrenyia bayɛ kɛ ndile ngyikyi mɔɔ fifi ndɛndɛ,Yɛ mra mraalɛ noko bayɛ kɛ mgbɛnezo mpila mɔɔ bɛyɛ bɛzie belemgbunli sua nu la.
13 Aleɛ ngakyile kɔsɔɔti bie babu yɛ ninyɛnezielɛ ɛleka ne;Yɛ mboane mɔɔ wɔ yɛ ɛya nu la bayɛ mɔnwo apenle apenle, mɔnwo apenle bulu bulu.
14 Yɛ nlankɛ mɔɔ kɛnrenzɛ la ako ɛnrɛkpɔne anzɛɛ bɛnrɛli abawuo;Yɛnrɛde nyane ɛzunlɛ biala wɔ yɛ gua ne mɔ azo.
15 Anyelielɛ a le menli mɔɔ kɛnyia ɛhye la!
Anyelielɛ a le menli mɔɔ bɛ Nyamenle a le Gyihova la!+
Ɔbodwɛkɛ
^ Anzɛɛ “kpo wɔ anwuma ne.”
^ Hibulu aneɛ nu, “Na bɛ sa fema ne le adalɛ ɛsalɛ fema la.”
^ Anzɛɛ “Mebabɔ.”
^ Anzɛɛ “ngoanelielɛ.”
