Amadaara agarikwetengyesa kuba omwe aha Bajurizi ba Yehova, Yesu akagagambaho omuri Matayo 28:19, 20. Ekyahandiikirwe eki nikyoreka eki omuntu aine kukora kubaasa kuba omwegi wa Kristo, ekirikutwariramu okugamba ahari Yehova nari okumujuririra.

 Eidaara 1: Yega eki Baibuli erikwegyesa. Yesu akagambira abakuratsi be ‘kuhindura abantu abeegi n’okubabatiza.’ (Matayo 28:19, 20) Ekigambo ekirikuvunuurwa ‘nk’omwegi’ nikimanyisa ogwo orikwegyesibwa. Omu Baibuli harimu ebirikwetengyesa kubaasa kutunga okushemererwa n’okumarwa na munonga ebi Yesu Kristo yaayegyeise. (2 Timoseo 3:16, 17) Nitushemererwa kukuhwera kwega ebi Baibuli erikwegyesa kurabira omu ntebeekanisa yaitu ey’okwegyesa abantu Baibuli batashashwire.—Matayo 10:7, 8; 1 Abatesalonika 2:13.

 Eidaara 2: Ebi orikwega bite omu nkora. Yesu akagira ngu abeegi be baine ‘n’okworobera byona ebi yaabaragiire.’ (Matayo 28:20) Eki nikimanyisa ngu toshemereire kwega Baibuli kutunga obwengye kyonka, beitu nooba oine kukora empinduka z’amaani omu miteekateekyere n’emitwarize. (Ebyakozirwe 10:42; Abaefeso 4:22-29; Abaheburaayo 10:24, 25) Abarikworobera ebi Yesu yaaragiire nibaba baine kucwamu kumukuratira barikwehayo ahari Yehova Ruhanga.—Matayo 16:24.

 Eidaara 3: Okubatizibwa. (Matayo 28:19) Omu Baibuli, okubatizibwa nikugyeragyeranisibwa n’okuziikwa. (Gyeragyeranisa Abarooma 6:2-4.) Ku orikubatizibwa nooba nooshusha ngu emitwarize yaawe eya ira yaafa, reero waatandika embeera nsya. Bwanyima aha kubatizibwa kwawe nooba nooyoreka muranga, ngu waaherize amadaara abiri ag’okubanza agu Yesu yaagambire, reero orikushaba Ruhanga kukuhwera kugira omutima ogutarikweshinja.—Abaheburaayo 9:14; 1 Petero3:21

 Gambira abareeberezi b’ekibiina. Nibaija kugamba naiwe kuhamya ngu nooyetegyereza ekirikutwarirwamu, noogyendera aha bi orikwega, kandi ngu oyehaireyo ahari Ruhanga oyekundiire.—Ebyakozirwe 20:28; 1 Petero 5:1-3.

 Eego. Abaana baitu nituboorora omu kuhana kwa Yehova, nk’oku Baibuli erikuturagiira kukora. (Abaefeso 6:4) Kwonka ku barikukura, nibaba baine kwecweramu kwega enyegyesa za Baibuli, baziikirize, kandi bazigyendereho batakahikire aha kubatizibwa. (Abarooma 12:2) Buzima, buri muntu aine kwecweramu aha bikwatiraine n’okuramya.—Abarooma 14:12; Abagalatia 6:5.