Ekihikire: Nitwikiriza ngu Yesu Kristo n’Omujuni waitu, kandi nituteeraho kugyendera haihi n’ebiribatiro bye.—1 Petero 2:21; Luka 2:11.

 Ekihikire: Nitwikiriza ngu Yesu akazooka, nitumanya ngu okuzooka kwe ni kukuru munonga omu nyikiriza y’Ekikristaayo, kandi nitukugambaho omu kubuurira kwaitu.—1 Abakorinso 15:3, 4, 12-15.

 Ekihikire: Nitukunda abaana baitu, kandi nitwezirika kubatendeka n’okubahwera kugira okushemererwa.—Tito 2:4.

•   Ekiro kikuru kya Paasika tikirikwegamira ahari Baibuli.

•   Yesu akaragiira ngu twijukye okufa kwe, beitu kutari kuzooka kwe. Nitwijuka okufa kwe buri mwaka, aha biro byenyini ebi yaafeereireho kurugiirira ahari Karenda y’Ekiyudaaya.—Luka 22:19, 20.

•   Nitwikiriza ngu emigyenzo erikukorwa omu bwire bwa Paasika, eine akakwate n’emigyenzo y’oruzaaro eya ira, kandi neereetera Paasika kutasiimwa Ruhanga. Ruhanga naayenda ngu tube niwe wenka ou twahamiraho, kandi okuramya okurikutwariramu ebikorwa ebi atarikusiima nikumugwisa kubi.—Okuruga 20:5; 1 Abagabe 18:21.

 Nituhamiza kimwe ngu okucwamu kwaitu kutakuza Paasika nikwegamira ahari Baibuli, erikutuhiga kukoresa ‘obwengye obuhikire,’ n’okubaasa kwaitu kw’okuteekateeka, omu mwanya gw’okukuratira emigyenzo y’abantu. (Enfumu 3:21; Matayo 15:3) N’obu turaabe nitugamba aha bi turikwikiriza twabuuzibwa aha bikwatiraine na Paasika, kwonka nabwo nituha ekitiinisa abandi ahabw’okugira ngu baine obugabe bw’okwecweramu eki barikwenda kukora.—1 Petero 3:15.