OKUHWERA ABARIKUGANYA
Obuhwezi Burungi obw’Abarikuganya
OBUSAASI BW’OKUFEERWA OMUKUNDWA N’ENSHONGA ERIKUKIRA KUCONDOOZIBWAHO EBIRO EBI. Kwonka, nk’oku kyorekirwe enyima, obuhabuzi oburikukirayo oburungi n’obwine akakwate n’obwengye oburi omu kitabo kya ira Baibuli. Eki nikyoreka ngu obuhabuzi oburi omu Baibuli tiburikuhanguura. Kwonka Baibuli, erimu ekirikukira aha buhabuzi oburikwesigwa kyonka. Erimu obutumwa obutarikushangwa ahandi hoona, oburikubaasa kuhuumuriza munonga abarikuganya.
Obuhame ngu abafu tibarikubonabona
‘Abafu tihaine eki barikumanya,’ nikwo Baibuli erikugira omu Omubuurizi 9:5. ‘Ebiteekateeko bye nibihwaho.’ (Zaaburi 146:4) Kuhikaana n’eki, Baibuli neegyeragyeranisa okufa n’okugwejegyerera kimwe.—Yohaana 11:11.
Okwikiririza kimwe omuri Ruhanga owa rukundo nikihuumuriza
Baibuli omuri Zaaburi 34:15 neegira eti: ‘Amaisho ga [Yehova] naagata aha bahikiriire, n’amatu ge naagatega okutaka kwabo.’ Okugambira Ruhanga enyehurira zaitu omu kushaba nikukira aha kugambira omuhuumuriza murungi, nari okutegyeka butegyeka ebiteekateeko byaitu. Nikutuhwera kugira omukago murungi n’Omuhangi waitu, orikubaasa kukoresa amaani ge kutuhuumuriza.
Nyentsya nungi ei twiniire ekihika
Teekateeka aha bwire obu abari omu bituuro boona baraazoorwe kugaruka kutuura aha omu nsi! Baibuli neegamba munonga aha bwire obwo. Erikugamba aha ku embeera omu nsi ziraabe, neegira ngu Ruhanga naija ‘kuragaza amarira goona aha maisho gaabo, tiharikwija kugaruka kubaho kufa bundi, n’obu kwakuba okucura nari okurira nari obusaasi, ahakuba ebya ira nibiija kuba bihweireho.’—Okushuuruurwa 21:3, 4.
Baingi abarikwikiririza omuri Yehova, Ruhanga orikugambwaho omu Baibuli, nibatunga amaani g’okwemera okuganya ahabw’okwikiriza ngu abakundwa baabo nibaija kuzooka bagarukye babareebe. Nk’eky’okureeberaho, Ann, owaafeereirwe iba ow’emyaka 65, naagira ati: “Baibuli neempamiza ngu abakundwa baitu abaafiire tibarikubonabona kandi Ruhanga naabaijuka naija kubazoora. Ninyijuka enshonga ezi ku ndikuteekateeka aha kufeerwa kwangye, n’ekirikurugamu, nimbaasa kwemera ekintu ekirikukirayo obubi ekiraampikireho!”
Tiina, orikugambwaho omu Awake! egi, naagira ati: “Kuruga aha izooba obu Timo yaafa, ntwire nindeeba obushagiki bwa Ruhanga. Nindeeba oku omukono gwa Yehova gurikumpwera omu maganya gangye. Kandi okuraganisa kwa Baibuli okw’okuzooka n’okwabuzima ahariinye. Nikumpa amaani g’okugumizamu kuhitsya obu ndagarukye kureeba Timo.”
Ebigambo ebi nibihikaana n’eby’abantu nyamwingi abarikuhamiza kimwe ngu Baibuli neeyesigwa. Ku oraabe nooteekateeka ngu ebi Baibuli erikugamba ti byabuzima, nari ngu n’ebirooto, noobaasa kugishwijuma kuhamya ngu obuhabuzi bwayo n’ebi erikuraganisa bihikire. Noobaasa kushanga ngu Baibuli niyo erikukiraho kuha obuhabuzi abarikuganya.
YEGA BINGI EBIRIKUKWATA AHA MATSIKO G’OKUZOORA ABAFU
Reeba vidiyo eziine akakwate n’enshonga egi aha mukura gwaitu, jw.org/nyn
Baibuli neeraganisa nyentsya nungi obu turaatangirire abakundwa baitu abaafiire
Niki ekirikubaho omuntu yaafa? Eki Baibuli erikugarukamu nikiha amatsiko kandi nikihuumuriza
Za aha RAIBURARE >VIDIYO (Emiringo ya Vidiyo: Baibuli > Enyegyesa za Baibuli)
Obu hariho amakuru mabi maingi, noobaasa kwiha nkahi amakuru marungi? Vidiyo egi neeyanjura akatabo Amakuru Marungi Kuruga Ahari Ruhanga!
Za aha RAIBURARE>VIDIYO (Emiringo ya Vidiyo: Enteerane Zaitu n’Obuheereza >Eby’okukoresa omu Kubuurira)
Yehova n’eiziina rya Ruhanga eriri omu Baibuli.
Noobaasa Kukunda n'Ebi
EBIBUUZO EBI BAIBULI ERIKUGARUKAMU
Okuzooka Niki?
Nikibaasa kukutangaaza kumanya ni baahi abarikwija kuzooka.
