“Ahabw’okugira ngu COVID-19 t’ekiri kigwererezi omu nsi yoona tikirikumanyisa ngu t’ekiri y’akabi.. . . Ekigwererezi ekindi ku kiraije, kandi buzima nikiija kwija, twine kuba tweteekateekire.”—Dr. Tedros Adhanom Ghebreyesus, orikukurira Ekitongore ky’Eby’amagara omu Nsi Yoona, Okwakataano 22, 2023.

 Abantu baingi nibagumizamu kuteganisibwa endwara z’omubiri n’ez’omutwe ahabw’ekigwererezi kya COVID-19. Aba gavumenti n’ab’eby’amagara shi nibaija kuba beeteekateekiire ekigwererezi ekiraakurateho, reero batuhwere omu by’amagara?

 Baibuli neegamba ahari gavumenti erikwija kutuhwera kugira amagara marungi agu tushemereire kugira. Neegira ngu ‘Ruhanga ow’omu iguru naija kutaho Obugabe,’ nari gavumenti. (Danieli 2:44) Omu gavumenti egi, ‘tihaine mutuuzi orikwija kugira ati: Ndwaire.’ (Isaaya 33:24) Buri omwe naija kuba aine amagara marungi, aine n’amaani g’obunyeeto.—Yobu 33:25.