Kuyankha Mafunso a M’Baibulo
Kodi ndani amapita kumwamba ndipo n’chifukwa chiyani?
Anthu ambiri amanena kuti adzapita kumwamba akadzamwalira. Yesu ananena kuti atumwi ake okhulupirika adzapita kumwamba. Asanamwalire, anawalonjeza kuti akupita kumwamba kwa Atate ake kukawakonzera malo.—Werengani Yohane 14:2.
N’chifukwa chiyani anthu ena amaukitsidwa kuti apite kumwamba? Kodi amapita kukatani? Yesu anauza atumwi ake kuti adzakhala mafumu ndipo adzalamulira dziko lapansi.—Werengani Luka 22:28-30; Chivumbulutso 5:10.
Kodi anthu onse abwino amapita kumwamba?
M’mayiko ambiri, anthu ochepa okha ndi amene amakhala olamulira. Popeza Yesu amaukitsa anthu kuti akakhale mafumu kumwamba, tikuyembekezera kuti anthu amene adzalamulira dziko lapansi ayenera kukhalanso ochepa. (Luka 12:32) Baibulo limatchula nambala yeniyeni ya anthu amene adzalamulire ndi Yesu kumwamba.—Werengani Chivumbulutso 14:1.
Yesu anakonzera otsatira ake ena malo kumwamba. Kodi mukudziwa zimene azidzachita kumwambako?
Komatu si anthu okhawa amene adzalandire mphoto ya moyo wosatha. Anthu amene adzakhale nzika za Ufumu wa Mulungu adzasangalala ndi moyo wosatha m’Paradaiso padziko lapansi. (Yohane 3:16) Anthu ena adzapulumuka n’kulowa m’Paradaiso Mulungu akamadzawononga anthu oipa, pamene ena adzachita kuukitsidwa kuchokera kumanda.—Werengani Salimo 37:29; Yohane 5:28, 29.
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Ndi Ndani Amene Amapita Kumwamba?
Anthu ambiri amaganiza kuti anthu onse abwino amapita kumwamba. Koma kodi Baibulo limaphunzitsa chiyani pa nkhaniyi?
KUYANKHA MAFUNSO A M’BAIBULO
Kodi Mawu Akuti Kuuka kwa Akufa Amatanthauza Chiyani?
Mungadabwe mutadziwa zimene Baibulo limanena zokhudza anthu amene adzaukitsidwe.
GALAMUKANI!
Kodi Paradaiso N’chiyani?
Kodi Paradaiso adzakhala kumwamba kapena padziko lapansi pompano? Kodi ndani amene andzakhale m’Paradaiso?
