Kuyankha Mafunso a M’Baibulo
Kodi Mulungu amamva mapemphero onse?
Mulungu amamva aliyense akamapemphera. (Salimo 145:18, 19) Mawu ake, omwe ndi Baibulo, amatilimbikitsa kuti tizimuuza chilichonse chomwe chimatidetsa nkhawa. (Afilipi 4:6, 7) Koma pali mapemphero ena amene Mulungu samasangalala nawo. Mwachitsanzo, samafuna kuti anthu azinena mapemphero ochita kuloweza.—Werengani Mateyu 6:7.
Yehova samvetseranso mapemphero a anthu amene samvera malamulo ake mwadala. (Miyambo 28:9) Mwachitsanzo, kale kwambiri, Mulungu anakana kumvetsera mapemphero a Aisiraeli amene anali ndi mlandu wakupha anthu. Zimenezi zikusonyeza kuti pali zinthu zimene tiyenera kuchita kuti Mulungu azimva mapemphero athu.—Werengani Yesaya 1:15.
Kodi tizitani kuti Mulungu azimva mapemphero athu?
Mulungu sangamve mapemphero athu ngati tilibe chikhulupiriro. (Yakobo 1:5, 6) Koma tiyenera kukhulupirira kuti Mulungu aliko komanso kuti amatidera nkhawa. Tikhoza kulimbitsa chikhulupiriro chathu tikamaphunzira Baibulo chifukwa munthu amakhala ndi chikhulupiriro cholimba ngati ali ndi umboni wodalirika womwe umapezeka Baibulo.—Werengani Aheberi 11:1, 6.
Tiyeneranso kupemphera kuchokera pansi pa mtima komanso modzichepetsa chifukwa ngakhale Yesu ankapemphera modzichepetsa. (Luka 22:41, 42) Choncho, m’malo momangomuuza Mulungu zoti atichitire, tiziyesetsa kuwerenga Baibulo kuti tizidziwa zimene amafuna. Zimenezi zingatithandize kuti tizipemphera mogwirizana ndi chifuniro chake.—Werengani 1 Yohane 5:14.
Mwina Mungakondenso Kudziwa Izi
NSANJA YA OLONDA
Kupemphera N’kothandiza Kwambiri
Kodi mungapeze phindu lanji ngati mutamapemphera nthawi zonse?
KUYANKHA MAFUNSO A M’BAIBULO
N’chifukwa Chiyani Mulungu Samvetsera Mapemphero Ena?
Werengani nkhaniyi kuti mudziwe mapemphero amene Mulungu sayankha komanso anthu. Mudziwanso anthu amene Mulungu sawamvetsera akamapemphera.
