1 | Pemphero—‘Muzimutulira Nkhawa Zanu Zonse’
BAIBULO LIMATI: ‘Muzimutulira [Mulungu] nkhawa zanu zonse, pakuti amakuderani nkhawa.’—1 PETULO 5:7.
Tanthauzo Lake
Yehova Mulungu akukupemphani kuti muzimufotokozera mavuto ena aliwonse amene mukukumana nawo komanso zilizonse zomwe zikukudetsani nkhawa. (Salimo 55:22) Muzimufotokozera vuto lililonse lomwe mukukumana nalo kaya ndi lalikulu kapena laling’ono, chifukwa Yehova amationa kuti ndife ofunika. Choncho zilizonse zomwe zikutichitikira zimamukhudza. Ndiye kupemphera kwa iye, ndi njira yofunika kwambiri yokuthandizani kupeza mtendere wa m’maganizo.—Afilipi 4:6, 7.
Mmene Mfundo Zimenezi Zingakuthandizireni
Tikamalimbana ndi matenda ovutika maganizo, tikhoza kumadzimva kuti tili tokhatokha. Si nthawi zonse pamene anthu ena angamvetse zomwe tikukumana nazo. (Miyambo 14:10) Koma tikamapemphera kwa Mulungu moona mtima, n’kumamuuza mmene tikumvera, nthawi zonse iye amatimvetsera mokoma mtima ndiponso amatimvetsa. Yehova amationa, amadziwa mmene zikutipwetekera komanso mmene tikuvutikira ndipo amafuna kuti tizimuuza m’pemphero chilichonse chomwe chikutidetsa nkhawa.—2 Mbiri 6:29, 30.
Tikamapemphera kwa Yehova, timalimbitsa chikhulupiriro chathu chakuti iye amasamala za ife. Tikhoza kumamva ngati mmene wamasalimo wina anamvera, pamene anapemphera kuti: “Mwaona kusautsika kwanga. Mwadziwa zowawa zimene zandigwera.” (Salimo 31:7) Kungodziwa kokha mfundo yakuti Yehova amadziwa mavuto amene tikulimbana nawo, kungatithandize kuti tipitirizebe kupirira. Komabe sikuti iye amangoona mavuto athu basi, koma amachitapo kanthu. Kuposa wina aliyense, iye amadziwa bwino mavuto amene tikukumana nawo komanso amatitonthoza ndi kutilimbikitsa kudzera m’Baibulo.
Mwina Mungakondenso Kudziwa Izi
NSANJA YA OLONDA
Kodi Mungatani Kuti Mulungu Azimvetsera Mapemphero Anu?
Tikhoza kulankhula ndi Mulungu kulikonse, nthawi iliyonse, mokweza kapenanso chamumtima. Ndipotu Yesu anatithandiza kudziwa zomwe tinganene popemphera.
KUFOTOKOZA MAVESI A M’BAIBULO
Kufotokoza Yesaya 41:10—“Usachite Mantha, Pakuti Ndili Nawe”
Yehova anagwiritsa ntchito mfundo zitatu pofuna kutsimikizira anthu ake okhulupirika kuti aziwathandiza.
MFUNDO ZOFUNIKA ZA M'BAIBULO
Kodi Mulungu Amamvetsera Mapemphero Onse?
Nanga bwanji ngati munthu akupempha zinthu zinazake chifukwa cha dyera? Bwanji ngati mwamuna atamenya mkazi wake, kenako n’kumapempha Mulungu kuti amudalitse?
ZIMENE ACHINYAMATA AMAFUNSA
N’chifukwa Chiyani Ndiyenera Kupemphera?
Kodi pemphero limangothandiza kuti maganizo akhale m’malo, kapena limathandizanso m’njira zina?
NSANJA YA OLONDA
Kodi Mulungu Amamva Mapemphero Athu?
Baibulo limatitsimikizira kuti Mulungu amamvetsera mapemphero athu tikamapemphera m’njira yovomerezeka.
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
