Díí naaltsoos biiʼ adahaskidígíí níníłʼı̨́įgo, Jiihóvah Yá Dahalneʼé áłah nídaadleehgi nídaakahgo hazhóʼó hadadítʼéhígíísh baa ákoninzı̨́ı̨́ʼ? Nihi ééʼ dóó ádadiilzhǫǫhígi haʼátʼíísh biniyé hazhóʼó baa ákoniidzin doo?

God nihił nilı̨́įgo bee ííníilzin. God éí doo hadíníitʼéhígi tʼéiyá yiníłʼı̨́į da. (1 Samuel 16:7) Niheʼoodląʼ binahjįʼ áłah néiidleehígíí bá háádadiitʼįįhgo éí God dóó bił yah anéiijahígíí nihijéí tłʼááhdę́ę́ʼ nihił danilı̨́įgo ádaníilzin. Ánihwiiʼaahii łaʼ bidááhdóó yiidzįʼgo bee hadíníitʼéhígíí baa ákoniidzin doo. “Nahasdzáán bikáaʼgi tʼáá átʼéé nítʼééʼ Ánihwiiʼaahii nilíinii” Jiihóvah God nihił nilínígíí biniinaa áłah néiidleehgi hazhóʼó háádadiitʼįįh.​—Genesis 18:25.

Diyin kʼehgo niheʼiinaʼ íilʼínígíí ííshjání áyósin. Diyin God Bizaad áníigo éí tʼááʼaaníí Oodlání “dahóyą́ągo ééʼ bidaałtʼéii” yee háádadiitʼįįh. (1 Timothy 2:9, 10) “Dahóyą́ągo ééʼ bidaałtʼéii” áhyiłnínígíí éí nihí háádadiitʼįįhgo kódaatʼéhígíí ééʼ bitsʼąą kóniitʼée doo; bee ádaa hodzódlíhígíí, bee hadáʼdínóonihígíí, doodaiiʼ biníkádahootʼínígíí. Yáʼádaatʼéhígíí ééʼ nihee dahólǫ́ǫ doo, tʼáá ádzaagóó ééh níjíʼnahgo doodaiiʼ tʼóó hweʼayóígo éí dooda. Áko díí bikʼehgo íitʼı̨́įgo éí ééʼ ląʼígóó ałʼąą ádaatʼéego niidzinígíí ádáńdidiilyéełgo átʼé. Nihi ééʼ yáʼátʼééhígíí bee hadíníitʼéego “Diyin God Yisdánihiiníiłii bee naʼnitinii diné bił danilı̨́įgo ádayósin” dóó éí bee “Diyin God bikʼi hooleʼgo yaa dahaniih doo.” (Titus 2:10; 1 Peter 2:12) Áłah néiidleehígíí hazhoʼó Jiihóvah dílzinígi bá háádadiitʼįįhgo náánáłahdę́ę́ʼ hazhóʼó yaa nitsídaakees doo.

Ni ééʼ biniinaa tʼáadoo tʼą́ą́ʼ kónítʼéhé Kingdom Halljįʼ nánídááh. Ééʼ daʼílínígíí doodaiiʼ nidaashchʼąąʼígíí doo nihee hólǫ́ da ndi, yáʼátʼéehgo ééʼ chin bąąh ádinígíí nihee hólǫ́ ndi yáʼátʼéeh.

• Áłah néiidleeh biniyé háádadiitʼįįhígíí haʼátʼíísh biniyé hazhóʼó baa nitsíikees doo?

• Haʼátʼíishąʼ Diyin God Bizaad bikʼehgo oodááłígíí binahjįʼ háádadiitʼįįh dóó hashtʼeʼ inídaʼdiilʼįįh?