Job 33:1-33
33 Éí bąą Job yinílyéii, shíísíníłtsʼą́ąʼgosaad bee yádeeshtihígíí tʼáá ałtso didíítsʼı̨́ı̨́ł.
2 Jó kʼad, ayáʼniiłtiʼgo shitsooʼ shizééʼ siláhígíí yáłtiʼ.
3 Shijéí bee tsʼídá tʼáá ákogi átʼéego nitsískeesgo saad bee yáshtiʼ doo,índa tʼáá bééhózínígo ił ééhózin bee hahaasdziih doo.
4 Diyin God biNíłchʼi Diyinii áshiilaaáádóó Aláahgo Ayóóʼábóodziilii biyol bee hinishná.
5 Bíninilʼą́ą́ ládą́ą́ʼ shichʼįʼ ééhonísįįhahíłlááh nidiníltaałgo aadę́ę́ʼ saad ałkééʼ niníníiłgo shinááł bee handziih.
6 Jó, Diyin God bííʼ nílínígi átʼéego shí ałdóʼ bííʼ nishłı̨́;shí ałdóʼ łeezh bee áshiʼdiilyaa.
7 Jó, shiniinaa doo nił yééʼ hodooleeł da,áádóó ándideeshniiłii bikʼee doo níniʼ yidooʼaał da.
8 Tʼáá aaníí níísístsʼą́ąʼgo bee háínídzííʼáádóó saad bee hahínídzíʼígíí disétsʼą́ą́ʼ; jó, ádíní,
9 Bee hazʼáanii doo kʼínítiʼgóó yáʼáníshtʼééh;shijéí biiʼ yáʼáhootʼééh, índa doo ákwii éʼétʼéii shiiʼ ádin.
10 Jó, shikʼijįʼ nilı̨́įgo bá ashjaʼósingo shaa héesdá;biʼanaʼí nishłı̨́įgo shaa nitsíkees;
11 tsin bighá hoodzánígíí yiih náshidiłʼisáádóó yishááłgóó tʼáá ałtso haisííd, dííníniid.
12 Jó, kódííníniidígíí doo ákótʼée da,nichʼįʼ hadeesdzih, Diyin God yeeʼ diné tsʼídá yiláahgo átʼé.
13 Haʼátʼíí biniyé ákótʼéego bichʼįʼ saad honíłǫ́.Jó, yaa naagháhígíí doo tʼáá ałtso yee ádaa chʼíhwiitʼaah da?
14 Jó, Diyin God tʼááłáhídi haadzih,doodaiiʼ naakidi haadzih, nidi diné doo haa ákoniizįįh da.
15 Tłʼéeʼgo nideiyeełgo bił ádahatʼı̨́įgoáádóó bił anídeidinikáahgo bitsáskʼeh yikááʼ daʼałhoshgo,
16 ákohgo lá índa diné daʼíistsʼą́ąʼgo ádeileʼáádóó yee nidabidiʼneestą́ąʼii bééhózingo ádeileʼ.
17 Diné baa nijigháii bitsʼázhdoogááłáádóó ádaa hojiʼniihígíí doo ajítʼée da jidooleeł biniyé kódahaleʼ.
18 Kótʼéego diné doo yóóʼábidiʼdoolnííłgóóínda diltłish doo bee biʼdiilyéégóó áyósin.
19 Diné wolyéii tsáskʼeh yikááʼ sitı̨́įgo ił hodiniihínda tʼáá áłahjįʼ bitsʼin dadiniihígíí bee nábidiʼniltsxis,
20 áko bááh índa chʼiyáán ałtaaskąądii tsʼídá doo yinízin da.
21 Tʼáá íiyisí nizhníłgango hatsįʼ hąąh ásdįįd;hatsʼin tʼáadoo bahatʼaadí daníʼá.
22 Tʼáá aaníí kʼadę́ę yóóʼahoʼdilnééhínda kʼadę́ę nidaʼałtseedii biyaajįʼ hoł ahalzhíísh.
23 Tʼááłáhídi mííl bitahdóó diyingo naalʼaʼí,ataʼ sizíinii éí há yáʼátʼéehii yee hoł hodoolnihii hólǫ́ǫgo
24 éí diyingo naalʼaʼí diné yaa joobaʼgo ání,Doo yóóʼábidiʼdoolníił da biniyé yisdáníłteeh; diné yá nináʼdoodléełii bikʼíníyá.
25 Bitsʼíís ániid naaghá nídoodleeł;ániid naagháádą́ą́ʼ átʼé yę́ęgi átʼéego bidziil nídoodleeł.
26 Áko índa Diyin God bichʼįʼ diné sodilzin nídoodleeł,áádóó bił hachʼohaʼné nízhdoodleełgoDiyin God baa hoł hózhǫ́ǫgo bił ahizhnílʼı̨́į doo;bitʼáá ákogi átʼéii bee yisdájííyáá nítʼééʼ yę́ę hachʼįʼ kónéidoodlííł.
27 Diné yinááł ádidooniił,Ádił asésiih; tʼáadoo éʼélʼı̨́įgi íítʼįįd, nidi tʼáadoo shaa nídélí da.
28 Doo yóóʼáshidiʼdoolníił da biniyé yisdáshííłtı̨́,áko adinídíín yideestsééł.
29 Shoo, Diyin God díí tʼáá ałtso kótʼéego tʼáá ahą́ą́h diné yinaalnish,
30 áko yóóʼábiʼdilnééhdę́ę́ʼ hááhodoołtéełgoiiná bee hoolʼin baa hózhóonii bee hoł chʼídidoodlał baa ákoznízin doo.
31 Job yinílyéii, hazhóʼó shíísíníłtsʼą́ą́ʼ;tʼóó dííníłhéél, áko yáshtiʼ doo.
32 Tʼáá haʼátʼéegoda hadeesdzih, nínízingo aadę́ę́ʼ bee shichʼįʼ handziih,yáníłtiʼ, tʼáá ákogi íínítʼįįd nidideeshniił nisin.
33 Doo handziihgóó éí tʼóó shííníłtsʼą́ą́ʼ;hazhóʼó dííníłhéelgo hódzą́ bínandínéeshtįįł.
