Mohlala—Dafida

Dafida o be a rata mmino. E be e le rammino le mohlami wa dikoša yo a nago le bokgoni. Le gona o be a itirela diletšo tša mmino. (2 Dikoronika 7:6) Dafida o be a na le bokgoni kudu moo kgoši ya Isiraele e ilego ya mo laletša gore a tlo letša ka bogošing. (1 Samuele 16:15-23) Dafida o ile a dumela. Eupša ga se a ka a ikgogomoša, goba a dumelela gore mmino o laole bophelo bja gagwe. Go e na le moo, o ile a diriša bokgoni bja gagwe go tumiša Jehofa.

Na le wena o rata mmino? O ka fo ba o se na bokgoni go tša mmino, eupša o sa dutše o ka ekiša mohlala wa Dafida. Bjang? Ka go se dumelele mmino o laola bophelo bja gago goba o go dira gore o nagane le go dira dilo ka ditsela tšeo di hlomphollago Modimo. Go e na le moo, diriša mmino go dira gore bophelo bja gago bo thabiše kutšwanyana. Bokgoni bja go hlama mmino le go o thabela ke mpho e tšwago go Modimo. (Jakobo 1:17) Dafida o ile a diriša mpho ye ka ditsela tšeo di bego di thabiša Jehofa. Na le wena o tla dira se se swanago?