Tiragalo Yeo e Swanetšego go Gopolwa!

Mošupologo, April 2

E be e le ka Nisani 14 ya ngwaga wa 33 C.E. Jesu o be a abelana le baapostola ba gagwe senwelo sa beine le senkgwa se se sa omelwago. Ke’ng seo a ilego a ba laela sona? “Dulang le dira se e le go nkgopola.”—Luka 22:19.

Ka baka leo, Dihlatse tša Jehofa lefaseng ka bophara di bokana gatee ka ngwaga bakeng sa go gopola lehu la Jesu ka tsela yeo a laetšego gore le gopolwe ka yona, bošegong bjoo a boletšego mantšu ao. Lenyaga, Nisani 14 e thoma ka Mošupologo, April 2, ka morago ga ge letšatši le sobetše. O laletšwa ka borutho gore o be le rena sebokeng se sa segopotšo mantšiboeng ao. Hle botšiša Dihlatse tša Jehofa tša lefelong la geno mabapi le nako e nepagetšego ya seboka gotee le lefelo leo se tlago go swarelwa go lona.