Puku ya Kgale Yeo e Nago le Mohola le Lehono
Batho ba bantši ba hlompha Beibele ka gobane ba e tšea e le e kgethwa. Eupša Beibele ga e no re eletša feela gore re ka rapela Modimo bjang. E re nea le dikeletšo tše bohlokwa bophelong.
Ka mohlala, ekwa gore batho ba bangwe ba re go bala Beibele le go phela ka keletšo ya yona go ba thušitše bjang.
Fiona o re: “Ke ipshina ka bophelo. Ke ikwa ke le kaone e bile ke kgona go nagana gabotse. Ke thabile kudu.”
Gnitko o re: “Go ithuta Beibele go nthušitše go tseba gore ke phelela eng.”
Andrew o re: “Bophelo bja ka bo kaone kudu. Ga bjale ga ke sa šoma diiri tše dintši gomme seo se nthuša gore ke kgone go fetša nako e ntši le lapa la ka.”
Go na le batho ba bantši bao ba ikwago ka tsela ye. Batho ba bantši lefaseng ka moka ba lemogile gore Beibele e ka ba thuša bophelong.
A re kweng kamoo Beibele e ka thušago batho . . .
Go Phela Gabotse Mmeleng
Go Laola Maikwelo
Go ba le Segwera se Sebotse le ba Lapa le Bagwera
Go Diriša Tšhelete Gabotse
Go Ithuta ka Modimo
Dihlogo tše di latelago di tlo re bontšha gore Beibele ga e no ba puku e kgethwa, eupša gape e ka re thuša bophelong.
