Bakeng sa go Boeletšwa ke Lapa

Ke’ng Seo se Sego Gona Diswantšhong tše?

Bala Diema 18:10 le 26:17. Bjale lebelela diswantšho tše. Ke dilo dife tšeo di sego gona? Ngwala dikarabo tša gago methalading ye e lego ka mo tlase. Thala o kgomaganye dikhutlo gore o feleletše diswantšho gomme o di tsenye mebala.

1. ․․․․․

2. ․․․․․

[Diagrams]

(Bona kgatišo)

BAKENG SA POLEDIŠANO:

O ithuta’ng ditemaneng tše? Na go fo tseba leina la Modimo go lekane gore a go amogele?

GO GO THUŠA GO HWETŠA KARABO: Bala Psalme 91:2; Diema 3:5, 6.

Ke ka baka la’ng e le gabohlale go phema go tsenatsena ditabeng tša batho?

GO GO THUŠA GO HWETŠA KARABO: Bala Bagalatia 6:5-7; 1 Bathesalonika 4:11; 1 Petro 4:15.

Ka morago, bala Diema 26:18, 19. Na go dira metlae e fo ba boithabišo bjo bo sego kotsi?

GO GO THUŠA GO HWETŠA KARABO: Bala Diema 14:13; 15:21; Mateo 7:12.

MODIRO WA LAPA:

Balang Diema 31:10-31 le le gotee. Ka ntle le go bolela, setho setee sa lapa se ka diragatša mediro ya mosadi wa mekgwa e mebotse yo a hlalositšwego mo. Ditho tše dingwe tša lapa di swanetše go leka go akanyetša gore mediro yeo ke efe. Ahlaahlang mediro yeo le ka ithutago yona e le gore le be le bokgoni kutšwanyana.

 Di Kgoboketše Gomme o Ithute

E sege, e phuthe gomme o e boloke

KARATA YA BEIBELE 7 PETRO

DIPOTŠIŠO

A. Ke ka baka la’ng Petro a ile a thoma go ­nwelela?

B. Na lefoko le ke therešo goba maaka? Petro o ile a dula a sa nyala.

C. Ge baetapele ba bodumedi ba be ba botša baapostola gore ba kgaotše go ruta, Petro le baapostola ba bangwe ba arabile ka gore: “Modimo ke mmuši yo re swanetšego . . . ”

[Tšhate]

4026 B.C.E. 1 C.E. 98 C.E.

Adama o a bopša O phetše lekgolong Puku ya mafelelo

la pele la nywaga C.E. ya Beibele e a ngwalwa

[Mmapa]

O dutše Betsaida le Kaperenaume

GALILEA

Kaperenaume

Betsaida

Lewatle la Galilea

PETRO

KANEGELO YA BOPHELO BJA GAGWE

Morei wa dihlapi yo a šomago ka thata yo e ilego ya ba yo mongwe wa barutiwa ba pele ba Jesu. Jesu o ile a kgetha Petro gore e be yo mongwe wa baapostola ba gagwe ba 12 goba bao ba ilego ba rongwa go dira boboledi. Diebangedi tše nne di tletše kudu ka mantšu a Petro go feta a moapostola le ge e le ofe yo mongwe. Jehofa o ile a mo diriša kudu go dira boboledi le go ‘matlafatša bana babo.’​—Luka 22:32; Mareka 3:13-19.

DIKARABO

A. O fentšwe ke pelaelo.​—Mateo 14:28-31.

B. Maaka.​—Mareka 1:29-31; Johane 1:42; 1 Bakorinthe 9:5.

C. “. . . go mo kwa go e na le go kwa batho.”​—Ditiro 5:18, 27-29.

KARATA YA BEIBELE 8 HESEKIA

DIPOTŠIŠO

A. Hesekia o be a na le nywaga e mekae ge a be a eba kgoši ya Juda?

B. Jehofa o ile a dira mohlolo wa go oketša bophelo bja Hesekia ka nywaga e mekae?

C. Tlatša sekgoba. Ka baka la dithapelo tša Hesekia le go botega ga gagwe, Jehofa o ile a romela morongwa gore a bolaye bahlabani ba Baasiria ba ․․․․․.

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

bago ka bo-700 B.C.E. ya Beibele e a ngwalwa

[Mmapa]

O be a dula Jerusalema

ASIRIA

Jerusalema

HESEKIA

KANEGELO YA BOPHELO BJA GAGWE

Kgoši e botegago yeo e ilego ya tsošološa le go kgakola lefsa tempele ya Modimo, ya fediša diswantšho tša borapedi bja maaka le go kgothaletša batho go keteka Paseka. (2 Dikgoši 18:4; 2 Dikoronika 29:3; 30:1-6) Go sa šetšwe mohlala o mobe wo tatagwe, Kgoši Ahasi, a ilego a mmeela wona, Hesekia “o ile a kgomarela Jehofa.”​—2 Dikgoši 18:6.

DIKARABO

A. O be a na le nywaga e 25.​—2 Dikgoši 18:1, 2.

B. Ka nywaga e 15.​—2 Dikgoši 20:1-6.

C. 185 000.​—2 Dikgoši 19:15, 19, 35, 36.

Go gatiša dikopi tše di oketšegilego tša “Bakeng sa go Boeletšwa ke Lapa,” eya go www.isa4310.com

● Dikarabo tša “BAKENG SA GO BOELETŠWA KE LAPA” di go letlakala 24

 DIKARABO TŠA LETLAKALA 30

1. Tora e matla.

2. Mpša.