Di ka Homotša Bao ba Hwetšwego

Mosadi yo mongwe wa kua Jalisco, Mexico, o ile a ngwalela ofisi ya lekala ya Dihlatse tša Jehofa kua Mexico. O ile a kgopela gore: “Hle nthomeleng diporoutšha tše mmalwa tša Ge Motho yo o mo Ratago a E-hwa. Ga ke yo mongwe wa Dihlatse tša Jehofa, eupša ke dumelelana le ditumelo tša lena tše dintši.”

Mongwadi o ile a hlalosa lebaka leo ka lona a di kgopelago ka gore: “Ke nyaka diporoutšha ka gobane ke nagana gore go tla ba botse go di nea batho ba bangwe bao ba rekago lebenkeleng la rena la matšoba. Ke bolela ka batho bao ba tlelago go reka dikgare e bile e le bao ka dinako tše dingwe e lego mosadi, bana goba monna ba mohu. Ke dumela gore diporoutšha tše di ka ba thuša kudu.”

Mohlomongwe wena goba motho yo mongwe yo o mo tsebago le ka homotšwa ke go bala poroutšha ye ya matlakala a 32. E araba dipotšišo tše bjalo ka tše di rego: Nka lebeletšana bjang le go nyama ga-ka? Ba bangwe ba ka thuša bjang? Go na le kholofelo efe bakeng sa bao ba hwilego?

O ka kgopela kopi ka go tlatša setlankana seo se sepedišanago le sehlogo se le go se romela atereseng yeo e bontšhitšwego mo setlankaneng goba atereseng e swanetšego e lokeleditšwego go letlakala 5 la makasine wo.

□ Ka ntle le go itlama, hle ntlišetšeng kopi ya poroutšha ya Ge Motho yo o mo Ratago a E-hwa.

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.