“Le ge COVID-19 e bonagala eka ga e sale kotsi lefaseng ka moka, seo ga se bolele gore e fedile.. . . Re ka kgodišega gore go sa tlo ba le leuba le lengwe nakong e tlago. Re swanetše go dula re itokišitše.”—Dr. Tedros, director-general of the World Health Organization, May 22, 2023.

 Batho ba bantši ba sa lebeletšane le ditlamorago tša leuba la COVID-19, tša go swana le bolwetši bja monagano le go se phele gabotse mmeleng. Na mebušo le mekgatlo ya tša maphelo, ba itokišitše bakeng sa leuba leo le tlago? Le gona na ba ka kgona go re thuša go lebeletšana le mathata a tša bophelo gona bjale?

 Beibele e re botša ka mmušo woo o tlago go re nea thlokomelo ya tša maphelo ya maemo a godimo. E re “Modimo wa legodimo o tla hloma mmušo”. (Daniele 2:44) Ge mmušo woo o tla be o buša, “Ga go na modudi yo a tla rego: “Ke a babja.’” (Jesaya 33:24) Batho ka moka ba tla be ba phetše gabotse go swana le ge e be e sa le bafsa.—Jobo 33:25.