Jesu o a tseba gore bosenyi le go hloka toka ke’ng. O ile a latofatšwa ka maaka, a bethwa, a sekišwa le go ahlolwa ka tsela yeo e sego molaong, a ba a bolawa ga bohloko. Le ge Jesu a be a se na molato, o ile a kgetha “go nea moya wa gagwe gore e be topollo bakeng sa ba bantši.” (Mateo 20:28; Johane 15:13) Ka ge gona bjale e le Kgoši ya Mmušo wa Modimo, o tlo dira gore mo lefaseng go be le toka e bile go se sa ba le bosenyi.—Jesaya 42:3

 Beibele e re botša gore go tlo ba bjang ka morago ga gore Jesu a lokiše dilo mo lefaseng:

•   “Batho ba babe ba tla be ba se gona, o tla lebelela moo ba bego ba dula gona, gomme ba tla be ba se gona. Eupša ba boleta e tla ba beng ba lefase, gomme ba tla thaba kudu ka baka la khutšo yeo e sa lekanywego le selo.”—Psalme 37:10, 11.

 Re ka bontšha bjang gore re leboga dilo ka moka tšeo Jesu a re diretšego tšona le tšeo a sa tlago go re direla tšona? Go Luka 22:19, Jesu o ile a botša balatedi ba gagwe gore ba gopole lehu la gagwe. Ke ka baka leo ngwaga o mongwe le o mongwe Dihlatse tša Jehofa di kopanago ka letšatši leo a hlokofetšego ka lona. Re go laletša gore o tle o be le rena ge re tla be re gopola lehu la Jesu ka Sontaga sa di-24 tša March 2024.

Hwetša Segopotšo