Jesaya 18:1-7
-
Molaetša wa mabapi le go ahlola Ethopia (1-7)
18 Go madimabe naga yeo e tletšego ka modumo wa dikhunkhwane tšeo di phuphuselago,Yeo e lego tikologong ya dinoka tša Ethopia!
2 Ke yona e romago batseta ba yona ka dikepe tšeo di sepelago ka lewatleng,Tšeo di dirilwego ka mahlaka a papirase.
E re: “Sepelang lena baromiwa bao ba nago le lebelo,Le yeng setšhabeng sa batho ba batelele le ba letlalo le boreledi,E lego batho bao ba tšhabegago kae le kae,Sona setšhaba se matla le seo se fenyago ditšhaba tše dingwe,Seo naga ya sona e gogotšwego ke dinoka.”
3 Lena batho ka moka bao le dulago nageng le bao le agilego mo lefaseng,Selo seo le tlago go se bona se tla swana le leswao leo le emišitšwego dithabeng,Gomme le tla kwa modumo wa go swana le wa phalafala.
4 Jehofa o boletše le nna a re:
“Ke tla iketla, ka lebelela lefelo leo ke dulago go lona,Go swana le phišo le seetša sa letšatši,Le go swana le ge phoka e ewa nakong ya puno ge go fiša.
5 Ka gobane pele ga puno,Ge mapolomo a feditše go thunya gomme a tšweletša diterebe tšeo di butšwago,Molemi o tla kgaola makalana ka sekela,Gomme makala a lekelelago o tla a ripa ke moka a a tloša.
6 Ditopo tša bona di tla jewa ke dinonyana tša go ja nama tša dithabeng,Le dibata tša lefase.
Dinonyana tšeo di jago nama di tla fetša selemo ka moka di di ja,Gomme dibata ka moka tša lefase di tla fetša nako ka moka ya puno di eja ditopo tšeo.
7 Ka nako yeo Jehofa wa madira o tla tlišetšwa mphoYeo e tšwago setšhabeng sa batho ba batelele le ba letlalo le boreledi,E lego batho bao ba tšhabegago kae le kae,Sona setšhaba se matla le seo se fenyago ditšhaba tše dingwe,Seo naga ya sona e gogotšwego ke dinoka.Mpho yeo e tla tlišwa lefelong leo Jehofa wa madira a kgethilego gore batho ba gagwe ba mo hlankele go lona, e lego Thabeng ya Tsione.”
